Dafydd Iwan

Eus Wikipedia
Sauter à la navigation Sauter à la recherche
Dafydd Iwan
Dafydd-Iwan by-Aberdare-Blog.jpg

Dafydd Iwan (Dafydd Iwan Jones e wir anv), ganet d'ar 24 a viz Eost 1943, zo ur c'haner hag ur politikour kembreat. Unan eus kanerien brudetañ Kembre eo, ha kemeret en deus perzh en e yaouankiz er stourm evit ar yezh, ha bet en toull-bac'h.

Prezidant Plaid Cymru, strollad broadel Kembre eo bet etre 2003 ha 2006.

E vuhez[kemmañ | kemmañ ar vammenn]

Ganet e oa e Brynaman e Sir Gaerfyrddin, ha tremen a reas e yaouankiz e Bala e Sir Feirionnydd a-raok mont da skol-veur Kerdiz da studiañ an disavouriezh. Brud vras zo deuet dezhañ evel aozer kanaouennoù ha kaner kembraek.

Ar c'haner[kemmañ | kemmañ ar vammenn]

Da gentañ ne reas nemet lakaat e kembraeg kanaouennoù amerikan ar ganerien "engouestlet", evel Woody Guthrie, Pete Seeger, ha Bob Dylan. Goude e skrivas e ganaouennoù e-unan penn-da-benn, kalz anezho troet war-du ar stourm evit ar yezh, ha lod anezho skrivet en un doare goapaus. An hini brudetañ e chomo Carlo ("Charlie"), skrivet evit kurunidigezh ar priñs Charlez evel Priñs Kembre e 1969. Carlo zo un anv a vez roet d'ar c'hi-deñved er vro.

Kemer a reas perzh er strollad Plaid Cymru hag e Cymdeithas yr Iaith (Kevredigezh ar Yezh), ha bet eo bet lakaet en toull-bac'h evit ar yezh e 1970, ur chomadenn eñvoret en e ganaouenn Pam fod eira'n wyn? ("Petra zo kaoz ec'h eo gwenn an erc'h?")

Er bloavezhioù 1970 en deus skrivet diwar-benn Chile Pinochet ha Victor Jara, ar stourm evit Breujoù Kembre, brezel Vietnam pe hini Norzhiwerzhon.

Abaoe en deus kanet lazhadeg Tiananmen (1989), brezel Koweit (1990). Met e bennoberenn eo a-dra-sur "Yma O Hyd" ("Amañ atav"), e 1981, un eil kan broadel.

E 1982 ha 1983, e labouras Dafydd Iwan gant sonerien Ar Log ; ganto e reas un droiad vras ha pladennoù nevez.

War-dro ar bloavezh 2000 eo paouezet da ganañ evel a-raok (nemet ur wech an amzer amañ pe ahont, evit Plaid Cymru), d'ar mare ma oa tizhet ar stourm evit Breujoù Kembre.

Rener[kemmañ | kemmañ ar vammenn]

Gant Dafydd Iwan (ha Huw Jones) eo bet savet ar gompagnunezh pladennoù Sain Recordiau Cyf (Sain Records Ltd), ha chomet eo e penn.

Savet en doa ivez Cymdeithas Tai Gwynedd, un embregerezh sevel tier evit tud ar vro, re baour da brenañ tier kozh prenet gant Saozon.

Kuzulier eo evit Plaid Cymru e kontelezh Gwynedd.

Ezel eo eus Gorsedd Barzhed Kembre abaoe Eisteddfod Bangor e 1971.

Etre 2003 ha 2006 eo bet Prezidant Plaid Cymru.

Pladennoù[kemmañ | kemmañ ar vammenn]

Golo ar bladenn Cana dy gân
  • Yma Mae 'Nghân (1972)
  • Mae'r Darnau yn Disgyn i'w Lle (1976)
  • Carlo a Chaneuon Eraill (1977)
  • 20 o Ganeuon Gorau
  • I'r Gad (1977)
  • Bod yn Rhydd (1979)
  • Ar Dan (Live) (1981)
  • Rhwng Hwyl a Thaith (with Ar Log) (1982)
  • Yma o Hyd (With Ar Log) (1983)
  • Gwinllan a Roddwyd (1986)
  • Dal I Gredu (1991)
  • Caneuon Gwerin (1994)
  • Cân Celt (1995)
  • Y Caneuon Cynnar (Early recordings) (1998)
  • Yn Fyw Cyfrol 1 (Live album) (2001)
  • Yn Fyw Cyfrol 2 (Live Album) (2002)
  • Goreuon Dafydd Iwan (2006)
  • Man Gwyn (2007)
  • Dos I ganu (2009)
  • Cana Dy Gân (2012)
  • Emynau/Hymns (2015)

Diwar e benn[kemmañ | kemmañ ar vammenn]

  • E. Wyn James, 'Painting the World Green: Dafydd Iwan and the Welsh Protest Ballad', Folk Music Journal, 8:5 (2005), pp.594-618. (saozneg)[1]
  • C. Fowler, ‘Representations of nationalism in the music of Dafydd Iwan’, ‘Folklore and Identity’ Celtic Folk Studies Conference, Cardiff University School of Welsh, 22 July 2005. (saozneg)
  • Llion Iwan (ed.), 'Dafydd Iwan : bywyd mewn lluniau : a life in pictures'. Llandysul, Ceredigion, Cymru : Gomer Press, 2005. ISBN 1843234882. (kembraeg ha saozneg)
  • Manon Rhys (gol.), 'Dafydd Iwan'. Gwasg Gwynedd, Caernarfon, 1981 (kembraeg)

Liammoù diavaez[kemmañ | kemmañ ar vammenn]