CZ Shadow 2
| CZ Shadow 2 | |
|---|---|
| Kinnig | |
| Bro |  Tchekia
|
| Munisionoù | 9 × 19 mm Parabellum .380 ACP 9 × 21 mm |
| Produerien | Česká Zbrojovka |
| Mare produiñ | Abaoe 2016 |
| Pouez ha muzulioù | |
| Mas (hep kartouchenn) | 1.330 g |
| Hirder | 157 mm |
| Hirder ar c'hanol | 120 mm |
| Perzhioù teknikel | |
| Mont en-dro | Platinenn un-ober/daou-ober |
| Endalc'h | Karger-fiñv 18 tenn |
| Lezenn | |
| Rummad e Bro-C'hall | B |
Ar CZ Shadow 2 zo ur bistolenn damaotomatek un-ober / daou-ober produet gant an embregerezh tchek Česká zbrojovka abaoe 2016[1].
Deskrivadur
[kemmañ | kemmañ ar vammenn]Deveret eo ar Shadow 2 eus ar CZ 75 SP-01 Shadow. Savet eo bet a ratozh-kaer evit ar sportoù tennañ hag an amprouennoù tenn pleustrek meret gant an IPSC, diwar esaeoù hag alioù skipailh sportourien CZ. Savet eo e dir evit ponneraat anezhi[1]. Hiroc'h eo he c'hanol evit hini an SP-01 (120 mm), ha brasoc'h stanker he c'harger evit gellet tizhout anezhañ aesoc'h. N'he deus tamm loc'henn decocking ebet abalamour ne vez ket implijet kalz en amprouennoù sportoù tennañ[2]. Pouez-loc'hañ he draen zo 1,24 kg e mod un-ober ha 3,62 kg e mod daou-ober[1].
Kambret e oa da gentañ e 9 mm Parabellum, met adstummoù e .380 ACP hag e 9 × 21 mm a gaver ivez. Ur stumm Compact kambret e 9 mm Parabellum a zo war ar marc'had abaoe 2024[3].
Daveennoù
[kemmañ | kemmañ ar vammenn]- ↑ 1,0 1,1 ha1,2 (en) CERINO Chris, CZ Shadow 2 OR Review, war Guns & Ammo, 06/07/2020 (lennet d'ar 24/08/2024)
- ↑ (en) BRIGHT Aron, Review: CZ Shadow 2, war Shooting Sports USA, 31/01/2018 (lennet d'ar 24/08/2024)
- ↑ (en) Pajenn ar CZ Shadow 2 war lec'hienn an emberegerezh (lennet d'ar 24/08/2024)
