CZ 75

CZ 75
	; ; Ur bistolenn CZ 75
Kinnig
Bro	Tchekoslovakia; Tchekia
Doare	Pistolenn damaotomatek SA/DA
Mont en-dro	Tennata dre argil berr
Munisionoù	9 mm Parabellum (da gentañ); .40 S&W; .45 ACP; 9 × 21 mm IMI; .22 Long Rifle
Produer	Česká zbrojovka a.s.
Mare implij	Abaoe 1975
Pouez ha muzulioù
Mas (hep kartouchenn)	1 kg
Mas (karget)	1,180 kg
Hirder	206 mm
Hirder ar c'hanol	120 mm
Perzhioù all
Hed-tenn pleustrek	25 m
Endalc'h	Karger fiñv 15 kartouchenn (stumm orin); Kargerioù fiñv enne etre 10 pe 26 kartouchenn (stummoù all)
Adstummoù	Gwelet en destenn
Lezenn
Rummad e Bro-C'hall	B

Ar CZ 75 zo ur bistolenn damaotomatek ijinet e deroù ar bloavezhioù 1970 gant Josef ha František Koucký, ha produet abaoe 1975 gant an embregerezh tchek Česká Zbrojovka. Savet e voe evit bezañ ezporzhiet^[1], dre ma oa kambret evit kalibroù nann-soviedel, daoust dezhi bezañ a-orin eus bloc'h ar Reter. hag implijet e vez gant ar polis e Tchekia, Turkia hag e lec'hioù zo e Stadoù-Unanet Amerika. Priziet eo ivez gant an dennerien-sport abalamour dezhi da vezañ resis-tre ha sasun. Brudet eo evit he fiziaplted hag e solutder^[2]^[3].

Unan eus ar pistolennoù kentañ e oa a voe renket e rummad ar Wonder Nine. Ar pistolennoù Tanfoglio T95 italian ha Jericho 941 israelat zo awenet ganti.

Deskrivadur

Awenet eo framm ar CZ 75 gant hini ar SIG P210 suis^[3]. E dir eo an arm, hag aremennet eo. Pourveziet eo gant ur c'harger div golonenn. Awenet eo he gwikefre tennata dre argil berr gant hini ar Browning Hi-Power. Ne oa loc'henn dizarmiñ ebet ha difiñv e oa he c'houch war stumm kentañ an arm, met reolius eo hemañ war stummoù evel ar re Combat pe ar re savet evit an ISPC^[1]. Ur surentez skoer (Firing pin Block) a gaver war an arm abaoe 1993^[3]. Stummoù disheñvel a zo bet diorroet abaoe 1975, en o zouez^[4]:

platinenn daou-ober ha decocking (sistem dizarmiñ) war ar CZ 75 BD, ar CZ 75 BD compact hag ar CZ 75 P01 (reolius er polis tchek abaoe 2001).
platinenn daou-ober nemetken, sistem dizarmiñ aotomatek ha morzhol damguzh war ar CZ 75 DAO ha 2075 RAMI.
platinenn un-ober ha sistem surentez dre zorn war ar CZ 75 SA implijet er sportoù tennañ dreist-holl.
tenn aotomatek war ar CZ 75 automatic (war-dro 1000 tenn/munutenn).
gwikefre azasaet d'an dehoùidi koulz ha d'ar gleizidi war ar CZ 85.

Kalibroù

Kambret e oa ar CZ 75 e 9 mm Parabellum da gentañ. Stummoù e .40 S&W, .45 ACP^[3], 9 × 21 mm IMI pe .22 Long Rifle a gaver ivez. Endalc'h ar c'harger a zo :

15 tenn e 9 mm Parabellum evit ar stummoù kentañ ;
16 tenn e 9 mm Parabellum evit ar stummoù nevesañ ;
12 tenn e .40 S&W ;
10 tenn en armoù gwerzhet e SUA er bloavezhioù 1990 ;
18 tenn er CZ 75 SP01 Shadow 9 mm Parabellum savet evit an tenn pleustrek hag an TAR (Tennañ gant Armoù Reolius) ;
10 tenn er stumm Kadet (.22 LR)

Pennadoù kar

CZ Shadow 2, pistolenn deveret eus ar CZ 75 evit an tenn pleustrek
CZ P-09 ha P-07, pistolennoù polimer awenet gant ar CZ 75

Daveennoù

↑ ^1,0 ha^1,1 (en) POPENKER Maxim, CZ-75 pistol, Modern Firearms (lennet d'an 20/01/2025)
↑ (fr) McNAB Chris, Armes à feu Encyclopédie visuelle, L'Imprévu, 2022, p. 98
↑ ^3,0 ^3,1 ^3,2 ha^3,3 (fr) ALEXANDRE Guillaume, CZ 75 B : la référence des pistolets tout acier ?, Cibles n°652, miz Here 2024, pp. 10-14
↑ (en) Pajenn ar CZ 75 war lec'hienn ar produer (lennet d'ar 24/05/2025)

Stag eo ar bajenn-mañ ouzh Porched an Armoù-tan

[:0-1] 1,0 ha^1,1 (en) POPENKER Maxim, CZ-75 pistol, Modern Firearms (lennet d'an 20/01/2025)

[2] (fr) McNAB Chris, Armes à feu Encyclopédie visuelle, L'Imprévu, 2022, p. 98

[:1-3] 3,0 ^3,1 ^3,2 ha^3,3 (fr) ALEXANDRE Guillaume, CZ 75 B : la référence des pistolets tout acier ?, Cibles n°652, miz Here 2024, pp. 10-14

[4] (en) Pajenn ar CZ 75 war lec'hienn ar produer (lennet d'ar 24/05/2025)

[1]

[2]

[3]

[4]