Mont d’an endalc’had

CZ 75

Eus Wikipedia
CZ 75
Skeudenn ar pennad CZ 75

CZ 75
Kinnig
Bro Banniel Tchekia Tchekia
Mont en-dro Pistolenn damaotomatek daou-ober
Munisionoù 9 mm Parabellum (da gentañ), .40 S&W
Produer Česká zbrojovka a.s.
Mare implij Abaoe 1975
Pouez ha muzulioù
Mas (hep kartouchenn) 1 kg
Mas (karget) 1,180 kg
Hirder 206 mm
Hirder ar c'hanol 120 mm
Perzhioù all
Hed-tenn pleustrek 25 m
Endalc'h 15 kartouchenn (stumm orin)
Adstummoù Gwelet en destenn
Lezenn
Rummad e Bro-C'hall B

Ar CZ 75 zo ur bistolenn damaotomatek produet abaoe 1975 gant an embregerezh tchek Česká Zbrojovka. Awenet eo he gwikefre gant hini ar Browning Hi-Power. Implijet e vez gant ar polis e Tchekia, Turkia hag e lec'hioù zo e Stadoù-Unanet Amerika. Priziet eo ivez gant an dennerien-sport abalamour dezhi da vezañ resis-tre ha sasun. Ar pistolennoù Tanfoglio TA 95 italian ha Jericho 941 israelat zo awenet ganti.

Stummoù disheñvel a gaver :[1]

  • platinenn daou ober ha sistem dizarmiñ war ar CZ 75 BD, ar CZ 75 BD compact hag ar CZ 75 P01 (reoliek er polis tchek abaoe 2001).
  • platinenn daou ober nemetken, sistem dizarmiñ aotomatek ha morzhol damguzh war ar CZ 75 DAO ha 2075 RAMI.
  • platinenn un ober ha sistem surentez dre zorn war ar CZ 75 SA implijet er sportoù tennañ dreist-holl.
  • tenn aotomatek war ar CZ 75 automatic (war-dro 1000 tenn / munutenn).
  • gwikefre azasaet d'an dehoùidi koulz ha d'ar gleizidi war ar CZ 85.

Kambret e oa ar CZ 75 e 9 mm Parabellum da gentañ. Ur stumm e .40 S&W a gaver ivez. Endalc'h ar c'harger a zo :

  • 15 tenn e 9 mm Parabellum evit ar stummoù kentañ ;
  • 16 tenn e 9 mm Parabellum evit ar stummoù nevesañ ;
  • 12 tenn e .40 S&W ;
  • 10 tenn en armoù gwerzhet e SUA er bloavezhioù 1990 ;
  • 18+1 tenn er CZ 75 SP01 Shadow 9 mm Parabellum savet evit ar sportoù tennañ IPSC, an tennañ-tizh hag an TAR (Tennañ gant Armoù Reoliek).
  1. Pajenn ar CZ 75 war lec'hienn ar produer (lennet d'ar 24/01/2024) (saozneg)
  Stag eo ar bajenn-mañ ouzh Porched an Armoù-tan