Brigadenn Ronarc'h
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
Ar Vrigadenn Ronarc'h a zo un unanad milourel ag ar Morlu gall.
Savet eo bet e miz Eost 1914, e penn-kentañ ar Brezel-bed kentañ.
An amiral Pierre-Alexis Ronarc'h a zo bet lakaet en he fenn.
Divodet eo bet ar Vrigadenn Ronarc'h e miz Du 1915.
Brudet eo ar Vrigadenn Ronarc'h dreist-holl abalamour d'he ferzh en Emgann Diksmuide, war Dalbenn an Ijzer, e Flandrez Belgia.
Sevel ar Vrigadenn
[kemmañ | kemmañ ar vammenn]Ur rejimant martoloded a zo krouet gant pellskridoù Maodiern ar Mor d'ar 7 a viz Eost ha d'an 9 a viz Eost 1914 evit mont da ziwall an urzh e Pariz. Prederiet eo ar gouarnamant abalamour d'an trubuilhoù a c'hellfe sevel eus tu an aozadurioù (strolladoù politikel, sindikadoù) a-enep d'ar brezel. Dastumlec'h Cherbourg a rank kas teir c'hompagnunezh, hini Brest peder, hini An Oriant peder ivez, hag hini Rochefort unan. D'an 16 a viz Eost, un urzh maodiernel nevez a lak da sevel eizh kompagnunezh nevez (dastumlec'h An Oriant a rank kas teir c'hompagnunezh, hini Brest peder hag hini Cherbourg unan) ,evit krouiñ un eilvet rejimant martoloded. D'ar 26 a viz Eost eo divizet sevel ur batailhon, peder c'hompagnunezh ennañ, o tont eus dastumlec'h Rochefort.
Ar Vrigadenn e Bro-Bariz
[kemmañ | kemmañ ar vammenn]Adalek an 13 a viz Eost e tegouezh martoloded e Pariz. Bodet int er Palez Meur. Ul lodenn a ya da batrouilhañ dre straedoù Pariz, a-gevred gant ar polis, ar re arall a zo lakaet da embregiñ.
Degouezhet eo an Alamaned tost-tre eus Pariz. Lakaet eo an 6vet Kompagnunezh eus ar 1añ rejimant en un tren hobregonet. D'an 20 a viz Gwenholon ez eus un emgannig ouzh uhlaned, nepell eus Montdidier: tri martolod breizhat a zo lazhet.
Ar Vrigadenn e Belgia
[kemmañ | kemmañ ar vammenn]- Kemer a reas perzh en Emgann Melle hag en Emgann Diksmuide.
-
Monumant Melle d'ar vartoloded ag ar Vrigadenn Ronarc'h -
Monumant Diksmuide -
Plakennoù e koun martoloded ar Vrigadenn Ronarc'h e kav-iliz Nieuwpoort
Gwelet ivez
[kemmañ | kemmañ ar vammenn]Levrlennadur
[kemmañ | kemmañ ar vammenn]- Ferdinand Foch, Mémoires pour servir à l’histoire de la guerre de 1914-1918 (e galleg) ;
- Charles Le Goffic, Dixmude, un chapitre de l'histoire des fusiliers marins, Librairie Plon, 1915 (e galleg) ;
- Vice-amiral Ronarc'h, Souvenirs de la guerre, Embannadurioù Payot, 1921 (e galleg) ;
- Roger Laouenan, Des demoiselles au feu, l'épopée des fusiliers marins, Embannadurioù Coop Breizh 2004 (e galleg).
|
Porched ar Mor – Sellit ouzh pennadoù Wikipedia a denn da bed ar mor. |