Brezel Irak
| Brezel Irak | |||
|---|---|---|---|
| Tamm eus War on Terror | |||
 | |||
 Bukit war bep skeudenn | |||
| Maread | 20 Meurzh 2003 – 18 Kerzu 2011 (8 vloaz, 8 miz ha 28 devezh) | ||
| Lec'h |  Irak
| ||
| Abeg | • Prezidant SUA George Walker Bush a ziskleir ar brezel da Irak S. Hussein lakaet da gablus da Walldaolioù en SUA. • Lodenn eus politikerezh SUA ar "War on Terror" | ||
| Disoc'h | Trec'h ebet, abalamour da emled ar feulster dre Irak a-bezh ha savidigezh ar Stad Islamek goude loc'h SUA hag he c'hevredidi. | ||
| Emgannerien | |||
| |||
| Pennoù-brezel | |||
| |||
.svg){kind=small}
Oberiadur brezel Iraqi Freedom pe Aloubadeg Irak pe c'hoazh Dieubidigezh Irak a vez graet eus ar brezel en Irak gant ar Stadoù-Unanet hag e harperien a-enep gouarnamant Saddam Hussein. Lodenn gentañ ar brezel a vez graet Aloubadeg Irak o welet lu ha gouarnamant Irak trechet gant an alouberien. Siwazh dezho kenderc'hel a raio ar brezel ur wech trec'het ar vro reizh gant emsaverien a-bep seurt o talañ ouzh dalc'hidigezh ar vro. Memes ur wech lakaet e-plas ur gouarnamant da c'hortoz e kendalc'ho ar brezel o welet muioc'h-mui ar vro o vezañ rannet dre ar relijion. Istimet e vez etre 151 000 betek 600 000 pe muioc'h an niver a irakian bet lazhet e-pad an 3 pe 4 bloavezh brezel kentañ. Ar Stadoù-Unanet a guitaas ar vro e 2011 met a voe rediet da zont en-dro er bloavezh 2014 e-penn ur gevredad nevez evit klask lakaat harz d'an emsavadegoù lies o freuziñ Irak.
Lesanvioù
[kemmañ | kemmañ ar vammenn]Lesanvioù a-bep seurt a zo bet d'ar brezel-se: Second Gulf War (Eil brezel ar Pleg-Mor) , Gulf War II (Brezel ar Pleg-Mor II), pe Gulf War 2. Hervez ar selloù politikel e vez lesanvet dieubidigezh pe aloubadeg Irak. O c'houzout e oa bet livet gevier gant gouarnamant ar Stadoù-Unanet evit kendrec'hiñ ar brasañ niver a vroioù evit aotreañ anezho da dagañ ar vro e 2003. Goude-se e voe implijet ar gevier evit desach broioù en o kevredad. Degaset e oa bet ur sell kizidig war ar brezel-se. A-feur ma teuas war-wel ne oa ket bet Saddam Hussein kablus da vezañ penn da Gwalldaolioù ramzel e New-York hag e Washington. An niver uhel a irakianed bet lazhet e-pad ha goude an aloubadeg en doa degaset ivez ur sell fall war an oberiadur. Ouzhpenn-se an aloubadeg en doa roet lañs bras d'an nerzhioù islamour kement ha plantañ freuz ha reuz dre ar vro. Betek e-touez renkoù ar soudarded stadunanat e oa bet mouezhioù evit emsevel a-enep ar brezel.
