Kig

Eus Wikipedia
Mont da : merdeiñ, klask
Traffic cone.png Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.
A bep seurt tammoù kig

Kig vez graet eus forzh peseurt tamm loen ennañ danvez kigenn dreist holl met ivez druzoni, stirennoù, gwad. Ar bouzelloù hag ar flugez all a c'hell bezañ renket e-touezh ar c'hig, daoust dezho bezañ stummet gant nebeut-tre pe tamm kigenn ebet.

Dont a ra ar c'hig eus ar sevel loened pe eus ar chaseal.

Savet e vez al loened a ratoz evit o c'hig, (chatal pe loened bihan) pe e c'hell bezañ ur produ ouzhpenn pa vez savet al loened evit un abeg all, laezh, vioù, gloan hag all. Pa 'z eo mod-se al loened re gozh a vezont treuzfurmet e kig memestra.

Graet e vez jiboez eus al loened chaseet evit o c'hig.

E broioù zo hag e relijionoù zo e c'hell tammoù kig, pe seurt kig, pe ar c'hig da vat bezañ difennet dindan abegoù disheñvel.

Etimologiezh[kemmañ]

Diwar ar ger henvrezhonek cic, kic 1339, da geñveriañ gant ar gerioù cig e kembraeg, kyk e kerneveureg, cìch en iwerzhoneg, cico- e galianeg. [1].

Ar ger kig a vez implijet ivez e brezhoneg evit kalz traoù liammet, kigaj, kigder, kigenn, kiger, digigañ, tric'hig hag all.

Perzhioù ar c'hig, boued ha yec'hed[kemmañ]

Boued a galite eo ar c'hig dre ar proteinioù a zo ennañ (Etre 20 ha 30% hervez ar seurt kig). Kavet e vez er c'hig trenkennoù amine pennañ ne c'hell ket bezañ stummet gant ar c'horf. Mineralioù a vez kavet ivez, dreist holl houarn er c'hig ruz. Vitaminoù a zo ivez dreist holl vitaminoù B. Druzoni a zo c'hoazh mui pe vui hervez an tamm kig hag ar seurt loen (tro dro 10,7 g / 100 g a geidenn).

An elfennoù boued a c'hell bezañ disheñvel-tre hervez spesad hag oad al loen, ar pezh en deus debret ha peseurt tamm kig eo.

A bep seurt kig[kemmañ]

Renket e vez alies ar seurtoù kig hervez o liv

Renket e vez ivez ar seurtoù boued hervez o orin

Posupl eo ivez renkañ ar seurtoù kig hervez ma eo bet treuzfurmet pe get

  • kig fresk
  • kig sec'het
  • kigaj

Pennadoù kar[kemmañ]

Lennadurezh[kemmañ]

  1. Dictionnaire étymologique du breton, Albert Deshayes, Emb. Le Chasse-Marée, 2003, ISBN 2-9142-0825-3
Wiktionary-logo-br.png
Sellit ouzh ar ger Kig er
wikeriadur, ar geriadur frank.

Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.