Galeazzo Maria Sforza

Galeazzo Maria Sforza.

Galeazzo Maria Sforza (Fermo, Marche, 24 a viz Genver, 1444 – 26 a viz Kerzu, 1476, Milano ) a oa dug Milano adal 1466 betek e varv.

E dud

Mab e oa da Francesco Sforza, ur jeneral kamarad da Cosimo de' Medici, ha da Bianca Maria Visconti. Dont a reas da vout dug pa varvas e dad d'an 8 a viz Meurzh 1466, d'e 22 vloaz.

Dimezioù

Er bloavezh-se en-eeun e timezas da verc'h markiz Mantova, Loeiz III Mantova, Dorotea Gonzaga (1449-1467) a varvas bloaz goude, d'ar 24 a viz Ebrel 1467, e Pavia.

En 1468 ec'h addimezas da Bona di Savoia (1449-1485), merc'h da Loeiz Iañ Savoia, dug Savoia, ha da Anne de Lusignan.

Brud en doa da vout gwarezour d'an arzoù evel Sforza, ha da vezañ kriz ha didruez ha merc'hetaer. Lazhet e voe dar 26 a viz Kerzu 1476 en iliz Santo Stefano e Milano.

Muntridigezh Galeazzo Maria Sforza

Muntridigezh Galeazzo. Gwelout a reer Lampugnani o tec'hel et tué à gauche hag an tri muntrer all o terc'hel da skeiñ gant Sforza.

Tri den a oa oc'h iriennañ a-enep Galeazzo Maria Sforza: Carlos Visconti, Gerolamo Olgiati ha Giovanni Andrea Lampugnani, holl ofiserien uhel e lez Milano.

Dimezioù ha bugale

• Eus e zimeziñ gant Dorotea Gonzaga ne voe bugel ebet.
• Eus e zimeziñ gant Bona di Savoia e voe pevar bugel:
  • Gian Galeazzo Sforza (1469-1494) a voe dug war-lerc'h e dad, hag a zimezas da Isabella di Napoli (1470-1524)
  • Ermes (1470-1503) , a voe markiz Tortona
  • Bianca Maria Sforza (1472-1510) a zimezas e 1493 d'an impalaer Masimilian Iañ
  • Anna Maria Sforza (19 a viz Gouhere 1473 - 30 a viz Du 1497) a zimezas da Alfonso I d'Este, dug Ferrara, d'ar 17 a viz Genver 1491.
• Ouzhpenn-se e oa tad ivez d'un toullad besterd:
  • Chiara (1467-1531), a zimezas d'ar c'hont Pietro dal Verme di Sanguinetto, aotrou Vigevano, hag e 1488 da Fregosino Fregoso, aotrou Novi Ligure
    
  • Carlo (1461-1483) a voe kont Magenta hag a zimezas en 1478 d'ar gontez Bianca Simonetta
  • Caterina Sforza (war-dro 1463-1509), merc'h d'ar gontez Lucrezia Landriani
  • Alessandro (1465-1523) a voe aotrou Francavilla Bisio hag a zimezas war-dro 1490 da Barbara Balbiani di Valchiavenna
• Ottaviano (1477-war-dro 1541) a voe eskob Lodi hag Arezzo
• Galeazzo (1478-1515) a voe kont Melzo.

Liammoù diavaez

• (it) s:it:Sommario delle vite de' duchi di Milano/Galeazzo Maria Sforza
• (it) Storia diMilano : L’assassinio del duca Galeazzo Maria Sforza
• (en) Euweb.cz : Galéas Marie dans la généalogie des Sforza