Christian Wulff

Eus Wikipedia
Mont da : merdeiñ, klask
Christian Wulff

Christian Wilhelm Walter Wulff (ganet d’an 19 a viz Mezheven 1959 en Osnabrück) zo ur politikour alaman eus ar strollad CDU. Alvokad eo eus e vicher. E penn gouarnamant Niedersachsen e oa etre 2003 ha 2010. D’an 30 a viz Mezheven 2010 e oa bet dilennet da brezidant republik Alamagn, en trede tro. Gant Bettina Wulff eo dimezet.

Dilez[kemmañ]

E dibenn 2011 e voe liammet e anv ouzh hini Egon Geerkens, hag eñ den a afer eus Saks-Izel. E miz C'hwevrer 2010 e lavaras Wulff el Landtag nen doa liamm ebet gant Geerkens. Koulskoude en doa bet ar c'houblad gwir da gaout un amprest a 500 000 euro a-berzh Edith Geerkens, ha hi gwreg Egon. Nepell goude en doa lakaet Wulff an amprest prevez-se da vezañ un amprest bank boutin[1]. E penn-kentañ 2012 e voe kaoz eus an afer en-dro. Gant kazetennerien Bild e voe embannet e oa aet Wulff e darempred gant Friede Springer, (kenlodegez pennañ Axel Springer Verlag) hag ivez gant prezidant kuzul-ren an embregerezh hag ar pennskrivagner evit ma chomfent hep embann titouroù nevez war an afer. Hervez tud Die Welt, perc'hennet gant Springer ivez, en dije goulennet gant unan eus kazetennerien Die Welt dont d'un emgav e kastell Bellevue[2].

Klemm a voe graet, ha neuze e voe boulc'het un enklask gant lez-varn Berlin [3]. D'ar 16 a viz C'hwevrer 2012 e voe embannet gant lez-varn Hannover e oa bet dastumet elfennoù a-walc'h da embann e oa Wulff perzh en un afer fellerezh. Goulennet e voe neuze gant dilennidi ar Bundestag tennañ e zivec'h digant Wulff. [4]. En deiz war-lerc'h e roas Wulff e zilez[5].


En e raok:
Sigmar Gabriel
Ministr-prezidant Niedersachsen
Banniel Niedersachsen
Meurzh 2003 – Mezheven 2010
War e lerc'h:
David McAllister
En e raok:
Horst Köhler
Prezidant Alamagn
Banniel Prezidant Republik Alamagn
Mezheven 2010 – C'hwevrer 2012
War e lerc'h:
Joachim Gauck


Notennoù[kemmañ]

  1. « Une affaire de prêt privé déstabilise le président allemand », Le Monde, 13 a viz Kerzu 2011
  2. « Allemagne : rattrapé par les affaires, le président risque son poste », Le Parisien, 3 a viz Genver 2012
  3. « Allemagne : le président près de la démission ? », TF1 News, 3 a viz Genver 2012
  4. « L'immunité du président allemand levée? », Le Figaro,16 a viz C'hwevrer 2012
  5. « Le président allemand Christian Wulff annonce sa démission », Le Figaro,17 a viz C'hwevrer 2012

Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.