Burgenland

Burgenland (alamaneg)
Gradišće (kroateg Burgenland)
Felsőőrvidék (hungareg)


(Banniel Burgenland)	(Skoed-ardamez Burgenland)

Yezhoù ofisiel

Alamaneg, kroateg Burgenland, hungareg

Kêr-benn

Eisenstadt

Pennrener ar stad kevredet (Landeshauptmann)

Hans Niessl (sokialour)

Gorread

3 966 km²

Poblañs
-Stankter

277 569 (2001)
70/km²

Burgenland ("Bro ar C'hastelloù"; hungareg Felsőőrvidék pe Őrvidék, kroateg Gradišće) zo ur stad kevredet a Aostria. Betek 1921 e oa perzh eus Hungaria, met diwar emglev Trianon e voe lakaet ar vro e dalc'h Aostria. Eisenstadt (hungareg Kismárton, kroateg Željezno) eo e gêr-benn.

Teir yezh ofisiel a zo e Burgenland: an alamaneg, an hungareg ha kroateg Burgenland (hag a zo ur standard dezhañ e-unan). Ar Romeg n' eo ket kenofisiel, met anavezet eo gant ar stad Aostrian, ha moullet e vez levrioù-skol er yezh-mañ ivez.

Kêrioù pennañ Burgenland [kemmañ]

Dre ur referendom e chomas Sopron (alamaneg Ödenburg), kêr-benn ar rannvro, stag ouzh Hungaria e 1921. N'eus ket kalz kêrioù a-bouez er peurrest eus ar vro e gwirionez,

	Kêr	annezad (2005)
1	Eisenstadt/ hu: Kismárton/ kr: Željezno, kêr-benn Burgenland	13 664
2	Oberwart/ hu: Felsőőr/ kr: Gornja Borta	6 696
3	Mattersburg/ hu: Nagymárton / kr: Materštof	6 256

Tud vrudet a vBurgenland [kemmañ]

Joseph Haydn, sonaozour
Franz (Ferenc) Liszt, sonaozour

Gwinieg [kemmañ]

Gwinieg Burgenland eo hini pennañ Aostria. Gwinoù ruz sec'h evel Blaufränkischer ha Zweigelt a vez produet dreist-holl, met Strohwein, gwin gwenn dous kar da Sauternes, zo ivez.