Yaoued

Yaoued
Kastell La Lucinière.
Bro istorel	Naoned
Melestradurezh
Departamant	Liger-Atlantel
Arondisamant	Kastell-Briant-Ankiniz
Kanton	Rialeg betek 2015, Enorzh abaoe 2015
Kod kumun	44077
Kod post	44440
Maer Amzer gefridi	Jean-Pierre Belleil 2014-2020
Etrekumuniezh	Kumuniezh-kumunioù Bro Ankiniz
Lec'hienn web	www.jouesurerdre.fr
Poblañsouriezh
Poblañs	2 561 ann. (2019)
Stankter	47 ann./km²
Douaroniezh
Daveennoù lec'hiañ	47° 29′ 47″ Norzh 1° 25′ 08″ Kornôg
Uhelderioù	kreiz-kêr : 23 m bihanañ 7 m — brasañ 66 m
Gorread	54,53 km²
Yaoued

Yaoued (Joué-sur-Erdre e galleg) a zo ur gumun a Vreizh e Kanton Enorzh, el Liger-Atlantel, e gevred ar vro.

Douaroniezh

• War lez ar stêrioù Erzh hag Izar emañ Yaoued.

Anv

Erwan Vallerie ː de Joseio, 1186

Ardamezioù

En aour e sourin gommek en glazur

Istor

Dispac'h Gall

• Krouet e voe kumun Yaoued e 1790 diwar ar barrez katolik. Lakaet e voe e Kanton Rialeg hag e Bann Ankiniz. E 1800 e voe lakaet en Arondisamant Ankiniz.

XX^vet kantved

Brezel-bed kentañ

• Mervel a reas 85 gwaz ag ar gumun abalamour d'ar brezel, da lavaret eo 3,03 % eus he foblañs e 1911.

Arondisamant

• E 1926 e voe lakaet ar gumun en Arondisamant Naoned pa voe diskaret Arondisamant Ankiniz. Lakaet e voe en Arondisamant Ankiniz pa voe adsavet e 1943.

Trevadennoù

• Brezel Indez-Sina: d’ar 27 a viz Mae 1952 e voe lazhet ur milour eus ar gumun e Vien Dinh en Tonkin er Viêtnam hervez monumant ar re varv ar vourc’h, serjant e oa er 7vet Batailhon Harzhlammourion Drevadennel.
• Brezel Aljeria: mervel a reas ur milour eus ar gumun d’an 11 a viz Gwengolo 1958 hervez monumant ar re varv ar vourc’h.

XXI^vet kantved

• Lakaet e voe ar gumun e Kanton Enorzh pa voe diskaret Kanton Rialeg e 2014.

Monumantoù ha traoù heverk

Kastelloù

• 

• Kastell La Lucinière.

• 

• Kastell La Chauvelière.

Ilizoù katolik

• 

• Iliz katolik Sant Lezer.

• 

• Iliz katolik Intron-Varia.

Monumantoù ar re varv

• Monumant kumunel ha katolik ar re varv en daou vrezel-bed, e bered iliz Intron-Varia, luc'hskeudenn.
• Monumant ar re varv er vourc'h, luc'hskeudenn ha kartenn-bost. Savet e voe er blasenn-foar. Dioueliet e voe ar groaz relijiel d’an 29 a viz Du 1931 hervez ar protokol savet gant ar person. D’ar 14 a viz Even 1993 e voe divizet kemm lec’h dezhañ hag e lakaat e park ar maerdi. Dioueliet e voe d’ar 14 a viz Du 1993.
• Plakenn koun en iliz katolik 1914-1918 ha Brezel Indez-Sina, luc'hskeudenn.

Emdroadur ar boblañs abaoe 1962

Niver a annezidi

Tud

Ardamezeg ar familhoù

Anger, pe Angier, aotrounez La Chevaulière Brizhet e sourinan en gul • Sturienn : Fides

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995