Ulrike Meinhof
.jpg)
Ulrike Marie Meinhof (7 a viz Here 1934 en Oldenburg – marvet en noz etre an 8 hag an 9 a viz Mae 1976 e toull-bac'h Stammheim e Stuttgart) a oa ur gazetennerez alaman. E 1970 e teuas da vezañ ezel eus Rote Armee Fraktion, ur strollad a aozas meur a gwalldaol en Alamagn er bloavezhioù 1960–70. Unan eus izili bennañ ar strollad e oa, ober a reer strollad Baader-Meinhof anezhañ ivez. Harzet e voe d'ar 15 a viz Even 1972 goude bezañ bet diskuliet. Kondaonet e voe da 8 vloaz toull-bac'h d'an 29 a viz Du 1974[1].
He buhez[kemmañ | kemmañ ar vammenn]
Merc'h an istorour Werner Meinhof eo. E 1954 e voe degemeret gant Renate Riemeck goude marv he mamm. Gant Riemeck e veze embannet Frauen gegen Faschismus. Ganti ivez e kemeras perzh Ulrike Meinhof er manifestadegoù a-enep ar bombezennoù nukleel.
E 1955-56 e studias ar brederouriezh, ar bedagogiezh, ar sokiologiezh hag alamaneg e skol-veur Marburg. E 1957 ez eas da studiañ da skol-veur Münster ma kemeras perzh er Sozialistischer Deutscher Studentenbund (Strollad ar studierien sokialour). E 1955 ivez e timeas gant Klaus Rainer Roehl, hag eñ e penn ar gelaouenn Konkret. Evit ar gelaouenn-se e labouras-hi ivez betek 1968. Daou vugel a voe ganet.
Er bloavezhioù 1960 e tostaas muioc'h-mui ouzh an tu-kleiz pellañ, hag e 1968 e voe degemeret evel eus eus Rote Armee Fraktion goude ar gwalldaol c'hwitet a-enep ar sokiologour Rudi Dutschke. D'ar 14 a viz Mae 1970 e kemeras perzh e dieubiñ Andreas Baader. Kemer a reas perzh ivez e meur a walldaol, en o zouez an hini a-enep urzhiataer al lu amerikan a oa implijet da brogrammiñ bombezadegoù Viêt Nam. Mervel a reas e toull-bac'h Stammheim e Stuttgart: en em grouget e oa, evel he c'hamaradez Gudrun Ensslin.
Diwar he fenn[kemmañ | kemmañ ar vammenn]
Levrioù[kemmañ | kemmañ ar vammenn]
- Aust, Stefan: Der Baader-Meinhof Komplex, (1998, ISBN 3-442-12953-2)
- Bauer, Karin : Everybody Talks About The Weather...We Don't. Skridoù Ulrike Meinhof. Rakskrid gant Elfriede Jelinek (Seven Stories Press ISBN 978-1-58322-831-9)
- Becker, Jillian: Hitler's Children: The Story of the Baader-Meinhof Terrorist Gang, Londrez, 1977
- Brückner, Peter: Ulrike Meinhof und die deutschen Verhältnisse (/Ulrike Meinhof and the German Situation) (1976, ISBN 978-3-8031-2407-4)
- Ditfurth, Jutta: Ulrike Meinhof (2007, ISBN 978-3-550-08728-8)
- Krebs, Mario: Ulrike Meinhof (1988, ISBN 3-49915642-3)
- Röhl, Bettina (merc'h Ulrike Meinhof): So macht Kommunismus Spass (/Making Communism Fun), (2007, ISBN 978-3434506003)
Filmoù[kemmañ | kemmañ ar vammenn]
- Ulrike Marie Meinhof, teulfilm gant ARTE, 1994
- Ulrike Meinhof – Wege in den Terror (Ulrike Meinhof – Paths to Terror), teulfilm gant RBB, 2006
- So macht Kommunismus Spass (Making Communism Fun), teulfilm produet gant Bettina Röhl (merc'h Ulrike Meinhof), evit chadenn skinwel Der Spiegel, 2006
- Der Baader Meinhof Komplex (2008)
- Children of the Revolution (teulfilm, 2010)
Notenn[kemmañ | kemmañ ar vammenn]
| |||||||||||||
