Tudual Huon
| Reizh pe jener | paotr  |
|---|---|
| Bro ar geodedouriezh | Frañs |
| Anv-familh | Huon |
| Deiziad ganedigezh | 23 Gen 1953 |
| Lec'h ganedigezh | Brest |
| Tad | Ronan Huon |
| Yezh vamm | galleg |
| Yezhoù komzet pe skrivet | galleg, brezhoneg |
| Micher | barzh, skeudennaouer, cartoonist, English teacher |
| Implijer | An Here, Al Liamm |
| Merour/rener | Al Liamm |
| Prizioù resevet | Priz Langleiz |
| Statud e wirioù aozer | Oberennoù dezhe gwirioù aozer |
Ur skrivagner brezhonek eo Tudual Huon. Ganet eo bet e Brest d'an 20 a viz Genver 1953, mab da Ronan Huon ha da Elen ar Meliner, mab-bihan da Loeiz Herrieu. Kelenner brezhoneg ha saozneg eo en ur skol brevez e Plougastell. Pennskridaozer Al Liamm ha skrivagner eo Tudual Huon. Embanner eo ivez p'emañ e penn Embannadurioù Al Liamm. Treser eo ivez, hag ouzhpenn goloioù levrioù en deus lakaet embann levrioù treset gantañ.
Studioù
[kemmañ | kemmañ ar vammenn]Desket ha bevet en deus e brezhoneg abaoe e vugaleaj, hag e Brest ivez eo en deus graet e holl studioù, er skol kentañ-derez hag eil derez, hag er skol-veur goude-se. Graet en deus memes tra daou vloavezh en Aberteifi e Bro-Gembre evel skorer lec'h ma oa kroget da zeskiñ ar c'hembraeg. Kelenner eo bremañ war ar brezhoneg hag ar saozneg e Plougastell, nepell diouzh Brest, kêr e vugaleaj, ha diouzh Dirinonn, m'emañ o chom.
Oberoù
[kemmañ | kemmañ ar vammenn]Skrivañ a ra barzhonegoù, danevelloù... Aet eo war roudoù e dad p’emañ e penn kazetenn hag embannadurioù Al Liamm abaoe 2003.
E Bro-Gembre eo en deus skrivet e levr kentañ e brezhoneg. Eno eo ez eus dihunet ennañ un dedenn bras evit al lennegezh, ar saozneg hag ar c'hembraeg.
Bet eo bet e penn ar gelaouenn fentigellerezh Yod-Kerc'h.
Ar priz kentañ Xavier Langleiz e saozneg hag e lennegezh er bloavezh 1979 a zo bet roet dezhañ abalamour d'e levr Ar Chalboter hunvreoù.
Chin ha barzhoneg en em gemmesk e-barzh e vandennoù treset (Fri Korloko), un doare all da ziskouez displegerezh e zonezon, ar pezh en deus kalz a dalvoudegezh evitañ.
Levrioù
[kemmañ | kemmañ ar vammenn]Bannoù treset
[kemmañ | kemmañ ar vammenn]- Fri Korloko, Al Liamm
- Kure Brelevenez, Yod-Kerc'h
- Kala-Mae, e kenlabour gant Erwan Kervella, embannadurioù Al Lanv, 1984.
Danevelloù
[kemmañ | kemmañ ar vammenn]- Ar chalboter huñvreoù, Al Liamm, 1979. Seizh danevell enni.
Barzhonegoù
[kemmañ | kemmañ ar vammenn]- Glizi, Mouladurioù Hor Yezh, 1999.
Troidigezhioù
[kemmañ | kemmañ ar vammenn]- Istor ar poñsin melen, Al Liamm, 1976.
Levrioù treset gantañ
[kemmañ | kemmañ ar vammenn]- Bisousig kazh an tevenn (Abeozen). An Here. 1987.
- Gaovan hag an Den Gwer (Roparz Hemon). An Here. 1988.
- Rouzig ar gwinver ( Anjela Duval). An Here. 1991.
- Gwrac’h he ribod (Cliodna Cussen). An Here. 1992.
- Ul labous a varver ( Ivon Krog). An Here. 1997.
- Ki ar penn marv ( Erwan ar Moal). An Here. 1997.
Pennadoù
[kemmañ | kemmañ ar vammenn]Amañ e vez kavet roll ar pennadoù skrivet gant Tudual Huon er gelaouenn Al Liamm .