Skeul amzervezhioù douarouriezhel

Eus Wikipedia
Skeul an amzerioù geologel

Skeul an amzervezhioù douarouriezhel, pe skeul an amzerioù douarourel, pe skeul an amzerioù geologel a zo ur sistem implijet evit renkañ e geologiezh darvoudoù istor ar Voull-Douar.

Kentañ skeulioù ijinet evit-se o zo o orin er XVIIIvet kantvet, met ar resisañ labourioù e-keñver an deziata zo bet renet gant Arthur Holmes er bloavezhioù 1930, gant e gentañ skeul bet embannet e 1937. Anavezet eo eñ neuze evel tad skeul an amzerioù geologel.

E-skej meur a zanvez skiantel, en o zouez teknikoù an deziata, ar c'hronostratigrafiezh na baouez ket da vezañ pinvidikaet ha nevesaet gant muioc'h mui a resisded.

Bep 4 bloaz e vez aozet gant an UISG / IUSG (Union internationale des sciences géologiques) ur c'hendalc'h etrevraodel war ar geologiezh e-lec'h vez labouret Bodad etrevrodel stratigrafiezh a ra war-dro un hizivadur eus skeul an amzerioù geologel. Ar c'hendalc'h diwezhañ zo bet dalc'het eus an 2 betek an 10 a viz Eost 2012 e Brisbane en Aostralia.

Ar skeulioù diwezhañ bet embannet a veze diazezet war labourioù war ar magnetokronoù (amginadur polelder) hag a veze enno etre 5 ha 6 live ha isliveoù reolataet. Dre-se eo bet dilezet nomenkladurioù kozh evel an hoalad kentañ, an eil hag an trede hini o vezañ bet treuzfeurmet e eilrannadoù resisoc'h ha reishoc'h.

Skeul an amzerioù geologel a grog gant oad priziet ar Voull-Douar, da lavaret eo 4,6 miliard bloavezhioù.

Eilrannadoù pennañ skeul an amzerioù geologel[kemmañ | kemmañ ar vammenn]

Liammoù diavaez[kemmañ | kemmañ ar vammenn]