Polig Monjarret

Eus Wikipedia
(Adkaset eus Polig Montjarret)
Sauter à la navigation Sauter à la recherche

Polig Monjarret, Paul Monjarret ez ofisiel, (31 a viz Gouere 1920, Pabu - 8 a viz Kerzu 2003) a oa ur soner, dastumer ha broadelour breizhat, krouer Bodadeg ar Sonerion, kevredigezh pennañ ar sonerezh hengounel breizhat.

E wreg ha kenlabourerez e oa Zaig Le Foll.

E vuhez[kemmañ | kemmañ ar vammenn]


E-pad e yaouankiz en deus bet kentelioù biolin gant Frered Gwengamp. Dizoloiñ a ra ivez ar skaoutelezh. Pa grogas ar brezel e tistroas da Wengamp evit sikour e vamm hag a rae war-dro ebenouriezh e dad. E 1940 e voe lakaet da Yaouankiz ha Sportoù , kejañ a rae alies-mat ouzh Kelc'h Keltiek Roazhon renet gant Eugène Cariou. Ar vicher a ballenner-kinklour en deus bet ivez.

E 1943 e voe ezel eus ar Parti national breton (PNB) hag eus ar servij urzh Strolladou stourm pe Bagadou stourm [1], e-pad 6 miz.

Goude ar brezel e ouestlas al lod brasañ eus e amzer d'ar sonerezh hengounel ha d'ar gevredigezh krouet gantañ e 1943, he doe un ampled brasoc'h-brasañ dindan berr amzer : BAS (Bodadeg ar Sonerion).

E 1984 ec'h embannas Tonioù Breizh Izel, un dastumad eus un nebeut eus an 2 000 ton dastumet e Breizh-Izel etre 1941 ha 1953. Resevout a reas Urzh an Erminig e 1988.

Goude e varv e skrivas Gilles Servat ur ganaouenn anvet "le Général des Binious"[2] en e enor.

D'an 3 a viz Eost 2008 e oa bet lid-kinnig un delwenn da Bolig Monjarret, en Oriant e Plasenn Polig Monjarret, dindan selloù kantadoù a dud, enno Prezidant Kuzul Rannvro Breizh, Jean-Yves Le Drian, ha maer an Oriant, Norbert Métairie.

Embannadennoù[kemmañ | kemmañ ar vammenn]

Notennoù ha daveoù[kemmañ | kemmañ ar vammenn]

  1. Kristian Hamon, Les Nationalistes bretons sous l'Occupation, Yoran embanner, Fouesnant, 2005, (ISBN 2-914855-19-2).
  2. Kavout a reer ar ganaouenn-se er bladenn Sous le ciel de cuivre et d'eau deuet er-maez e 2005
Flag of Brittany.svg Porched Breizh – Adkavit pennadoù ha rummadoù Wikipedia a denn da Vreizh.