Orlando furioso

oberenn lennegel, barzhoneg
Titl	Orlando furioso
Diazezet war	La Chanson de Roland, Orlando Innamorato
Labour da-heul	The Historie of Orlando Furioso
Seurt oberenn	barzhoneg
Tachenn	chivalric romance
Aozer	Ludovico Ariosto
Bro orin	Italia
Yezh an oberenn pe an anv	italianeg
Deiziad embann	1516, 1532
Used metre	ottava rima
Pennlinenn	Le donne, i cavalier, l'arme, gli amori
Prantad	Azginivelezh arzel
Statud ar gwirioù-oberour	domani foran, domani foran

Orlando furioso zo ur meurgan italianek gant Ludovico Ariosto a zo bet embannet e 1532.

Ur varzhoneg hir eo, 46 kan enni ha 38 736 gwerzenn eizhsilabennek en holl. Savet eo da gontañ troioù-kaer Orlando (Roland al lennegezh c'hallek krennamzerel), ha re un toullad tud all. Implij a ra an oberour Danvez Bro-C'hall hag un tamm bihan Danvez Breizh. Kinniget eo evel un heuliad da Orlando innamorato, gant Matteo Maria Boiardo (1483)).

Danvez an oberenn

Steuñvenn an istor eo ar brezel etre Karl Veur hag ar Sarazined, a zo o vont d'aloubiñ Europa gristen.
Kaoz zo eus Orlando, a gar ar briñsez pagan Angelica.
Kaoz zo ivez eus troioù Ruggiero ar Sarazin, sorset gant an hudourez Alcina, eus e vestrez kristen, ar vrezelourez Bradamante, daou zanvez-pried kinniget gant an oberour evel hendadoù e warezourien, dug Ferrara hag e vreur kardinal, Ippolito d'Este.

E 1503 e oa bet kroget an oberour. E 1516 e oa bet graet an embannadur kentañ. Hiraet e voe e 1521 hag echuet e 1532. Da gentañ e oa savet e yezh lez Ferrara, goude e voe lakaet e toskaneg lennegel, a oa yezh Dante Alighieri.