Nikolai Nikoulin

Nikolai Nikoulin

den

Reizh pe jener	paotr
Bro ar geodedouriezh	Unaniezh ar Republikoù Sokialour ha Soviedel, Rusia
Lealded	Unaniezh ar Republikoù Sokialour ha Soviedel
Anv e yezh-vamm an den	Николай Николаевич Никулин
Anv-bihan	Николай
Anv-familh	Nikulin
Deiziad ganedigezh	7 Ebrel 1923
Lec'h ganedigezh	Q14621433
Deiziad ar marv	19 Meurzh 2009
Lec'h ar marv	Sant-Petersbourg
Lec'h douaridigezh	Smolenskoye Orthodox Cemetery
Yezhoù komzet pe skrivet	rusianeg
Micher	istorour an arzoù
Tachenn labour	history of art, art history
Implijer	Mirdi ar Peniti
Bet war ar studi e	Saint Petersburg State Institute of History
Professorship	kelenner titlet
Diplom skol-veur	Candidate in History of Art
Studier	Q121131493
Grad milourel	serjant
Brezel	Talbenn ar Reter
Ezel eus	Russian Academy of Arts
Dedennet gant	art history

 

 Eus Wikidata

Nikolai Nikolaievitch Nikoulin (rusianeg : Николай Николаевич Никулин), bet ganet e Pogorelka (Gouarnamant Yaroslavl, RSKS Rusia) d'ar 7 a viz Ebrel 1923 ha marvet d'an 19 a viz Meurzh 2009 e Sant-Petersbourg (Rusia), a oa ur c'helenner rusian war Istor an Arzoù. Ispisializet e oa war al livadurioù alaman hag izelvroat eus ar XVvet d'an XVIIIvet kantved. Bet eo mirour e mirdi ar Peniti e Sant-Petersbourg. Ouzhpenn e bed an arzoù eo brudet a-drugarez d'e vemorioù embannet e 2007, ma konte enne e vuhez soudard da vare an Eil-Brezel-bed en ur mod eeun ha kriz.

Buhez

E 1941, ha-eñ 18 vloaz, e voe kaset Nikolai Nikoulin da Leningrad (Sant-Petersbourg hiziv) da vezañ desket evit bezañ oberataer radio en Arme Ruz. E miz Gouere e voe kaset d'an emgannoù. Goude bezañ bet lakaet da vont er-maez eus seziz Leningrad e voe rollet en droadegiezh hag er c'hanolierezh soviedel. Chom a reas tost da bevar bloaz en Arme Ruz, en ur gemer perzh e dieubidigezh Varsovia hag e Emgann Berlin betek miz Ebrel 1945. Serjant e oa e fin an emgannoù. Peder gwech e voe gloazet war an talbenn. E dibenn 1945 e voe kaset d'ar gêr evel muturniad brezel. Diwar-neuze e kasas studioù e Skol-Veur Istor Sant-Petersbourg, e-lec'h ma tapas un dezenn doktorelezh war Pieter Brueghel gozh e 1950.

Eus 1949 betek e varv e labouras e mirdi ar Peniti er memes kêr. Kregiñ a reas evel heñcher a-raok bezañ anvet da virour departamant Arzoù ar Reter evit an Izelvroioù hag Alamagn e 1991. Kelenn a reas e skol-veur Arzoù-Kaer Leningrad, ha skrivañ a reas war-dro 200 pennad pe katalog war e zanvez. Unan eus an dud arbennikañ war livadurioù alaman hag izelvroat fin ar Grennamzer hag an Azginivelezh e oa e Rusia. E deroù ar bloavezhioù 1970 e skrivas e vemorioù-brezel evitañ e-unan, evel un derapiezh d'an darvoudoù euzhus en doa bevet war an talbenn. Adalek ar bloavezhioù 1990 e kemeras perzh e furchadegoù evit adkavout korfoù soudarded marv en emgannoù, ha kenlabourat a reas gant strolladoù soudarded bet hag a glaske brudañ ar peoc'h hag ar vignoniezh etre ar pobloù. Dre-se e kejas gant soudarded bet er Wehrmacht. Testenioù lod anezhe zo bet ouzhpennet e memorioù brezel Nikoulin. Diembann e oant chomet da vare an Unaniezh Soviedel, pa ziskouezent perzhioù euzhus eus an Arme Ruz da vare ar brezel. E 2007, diwar c'houlenn e familh, e voent embannet gant Mirdi ar Peniti. Berzh a rejont abalamour d'an testenioù neptu soudarded war ar mare-se bezañ ral e Rusia. Troet e voent e meur a yezh. Mervel a reas Nikolai Nikoulin e Sant-Petersbourg e 2009.

Medalennoù

• Urzh ar Steredenn Ruz
• Urzh ar Brezel Brogarour Meur (klas kentañ)
• Div vedalenn evit "oberoù kalonek"
• Medalennoù evit Difenn Leningrad, Dieubidigezh Varsovia ha Trec'h Berlin

Pennadoù kar

• Oberiadur Barbarossa
• Seziz Leningrad
• Emgann Berlin

Oberenn

• (fr) Les carnets de guerre de Nikolaï Nikouline, Les Arènes, stumm gallek embannet evit ar wech kentañ e 2019, 384 p., ISBN 9782711200177

Daveennoù

• L'auteur in Les carnets de guerre de Nikolaï Nikouline, Les Arènes, 2024, pp. 385-387, ISBN 9782711200177