Michele Mazzarino

Eus Wikipedia
Mont d’ar merdeerezh Mont d’ar c’hlask
Poltred ar c'hardinal Michele Mazzarino

Alessandro Mazzarino, anavezetoc'h evel Michele Mazzarino (Pescina, 1añ a viz Gwengolo 1605Roma, 31 a viz Eost 1648), a oa ur beleg dominikan, arc'heskob Ais de Provença.
Breur e oa da Giulio Mazzarini (1602-1661), kardinal, diplomat ha ministr.

E vuhez[kemmañ | kemmañ ar vammenn]

Ganet e oa e Pescina, e Rouantelezh Naplez, met savet e voe e Roma. Alessandro e oa e anv-badez. Mab e oa da Pietro Mazzarini, ha d'e bried Ortensia Buffalini. E vamm a oa eus un tiegezh a renk uhel, a orin eus Città di Castello, en Umbria, ha filhorez e oa da Filippo Iañ Colonna, Konestabl Naplez. C'hwec'h bugel a oa en tiegezh, Giulio Mazzarino e oa ar c'hentañ, ha Michele an eil.

E 1620 ez eas da skol Urzh an Dominikaned e kouent penniliz Santa Maria sopra Minerva e Roma hag eno e kemeras an anv Michele . E 1624 ez eas da echuiñ e studioù da Viterbo ha Bologna. Beleget e voe e 1628, ha kelenn a reas an doueoniezh hag ar brederouriezh e meur a skol dalc'het gant an Dominikaned, ha meur a garg a bouez a voe roet dezhañ.

Anvet e voe da vestr ar palez sakr gant ar pab Urban VIII, ha gant Inosant X da arc'heskob Aix-en-Provence e 1645 (hag e chomas betek e varv), da gardinal, da vesroue Katalonia ha da gannad e Roma.

E varv[kemmañ | kemmañ ar vammenn]

E Genver 1648 e voe anvet da vesroue Katalonia ha mont a reas da Varcelona. Eno e kouezhas klañv ha rankout a reas kuitaat e bost. Distreiñ a reas da Roma, ma varvas d'an 31 a viz Eost 1648.