Mamm Tereza

Eus Wikipedia
Mont da : merdeiñ, klask
Anjezë Gonxha Bojaxhiu,
"Mamm Tereza", e 1988

Mamm Tereza[1] e brezhoneg, Nënë Tereza en albaneg, he yezh vamm, Mother Teresa e saozneg ha মাদার টেরিজা e bengaleg, ganet Anjezë Gonxhe Bojaxhiu en Üsküb, Impalaeriezh otoman (hiriv Skopje, Makedonia) d'ar 26 a viz Eost 1910, deuet da vezañ Indiadez e 1948, ha marvet d'ar 5 a viz Gwengolo 1997 e Kolkata, India, a oa ul leanez katolik.
Ganti eo bet diazezet an aozadur Misionerien ar Garitez.
Priz Nobel ar Peoc'h a zo aet ganti e 1979 ha lakaet eo bet war roll ar wenvidien e 2003.

D'ar 15 a viz Meurzh 2016 e voe sinet dekref he santelezhadur gant ar pab Frañsez. Abaoe ar 4 a viz Gwengolo 2016 e vez graet gant an doare ofisiel Santez Tereza Kolkata.

Ezel e oa Santez Tereza Kolkata an urzh misionez Sœurs de Notre-Dame de Lorette, kuitaat a ra ar gumuniezh e 1949 evit mont gant hent « he galv » ha krouiñ a ra neuze e 1950 un urzg nevez. He oeberezrezh gentañ a vezo gant ar re baourañ e-liamm gant skoliata bugale ar straedoù ha digeriñ marvdi Kalighat (Nirmal Hriday) e Calcutta. E-pad 40 vloaz e gendalc'ho gant ar gefridi sikour ar re vunut, ar re glañv, ar re war o zalaroù. Da gentañ e vezo en India ha goude-se dre ar bed a-bezh, chom a raio penn da misionerien an Drugarez.

Pa yeas Mamm Tereza da Anaon, an urzh a zo ledet war 123 vro, gant 160 mision. E-touezh ar re-se e kaver soubennoù-pobl, kreizennoù sikour d'ar familhioù, tiez emzivaded, skolioù, ospitioù pe lec'hioù degemer an dud klañv gant ar SIDA, al lovrezh pe c'hoazh an droug-skevent.

Buhez[kemmañ | kemmañ ar vammenn]

Yaouankiz[kemmañ | kemmañ ar vammenn]

Kerent Anjezë Gonxhe Bojaxhiu a zo kenwerzhourien bourc'hiz ha kristen eus Albania. An tad Nikollë a zo e-penn meur a embregerezh e-liamm gant an tisaverezh ha gwerzhañ a ra ivez dafar apotikerezh. Daou vugel a oa dija en tiegezh pa gan Anjezë e Üsküp (Skopje hiziv-an-deiz) d'ar 26 a viz Eost 1910, e vilayeti Kosovo, un is-rann melestradurel d'an impalaeriezh Otoman. Ur verc'h anvet Age, hag ur mab Lazare.

Liammoù diavaez[kemmañ | kemmañ ar vammenn]


Commons
Muioc'h a skeudennoù diwar-benn

a vo kavet e Kerandafar.

Notennoù ha daveoù[kemmañ | kemmañ ar vammenn]