Priz Nobel ar Peoc'h

An Dalai Lama ha Desmond Tutu, Skeudenn gant Carey Linde, 2004

Priz Nobel ar Peoc'h eo anv unan eus ar pemp Priz Nobel savet gant an embregour ha skiantour Alfred Nobel (1833-1896). Hervez testamant A. Nobel, Priz ar Peoc'h a zlee bezañ roet « d'an den en devo graet ar muiañ pe al labour gwellañ evit ar vreudeuriezh etre ar broadoù evit kas an armeoù da get pe o bihanaat, pe evit aozañ ha brudañ kendalc'hioù peoc'h. »

E 1876 e teuas Bertha von Suttner da vezañ sekretourez Alfred Nobel met goude ur sizhunvezh e tistroas d'he bro da eurediñ Arthur Gundaccar von Suttner. Daoust ma oa berr an amzer a dremenas e kompagnunezh Alfred Nobel e kenskrivas gantañ betek marv hemañ e 1896, ha krediñ a reer e oa hi he devoa ar muiañ a bouez e krouidigezh ur Priz Nobel ar Peoc'h e-touez ar prizioù Nobel all a oa savet hervez testamant ar skiantour.

Bep bloaz e vez roet ar priz Nobel en Oslo, kêr-benn Norvegia, rak spisaat a rae testamant Alfred Nobel e oa rekis reiñ ar priz Nobel er gêr-se. Roet e vez atav d'an 10 a viz Kerzu, a zo deiz-ha-bloaz marv Nobel, dirak roue Norvegia.

Tri zra a vez profet d'al loreidi : ur skrid-testeni, ur vedalenn hag ur baperenn a resisa sammad ar priz gounezet. Dalc'het e vez an abadenn e sal-kêr Oslo, hag antronoz e vez heuliet gant sonadeg Priz Nobel ar Peoc'h, a vez skignet da ouzhpenn 450 milion a diegezhioù e muioc'h evit 150 bro er bed. Brudet eo an abadennoù er bed a-bezh, ha tud brudet-kenañ a vez pedet d'o c'hinnig pe da gemer perzh enno.
Dibab loreidi Priz Nobel ar Peoc'h a laka a-wezhioù rendaelioù da sevel, rak kavout a reer war roll al loreidi tud o devoa implijet doareoù-ober feuls evit diskoulmañ kudennoù kent ober strivoù bras dre implijout doareoù difeuls evit klask skoulmañ ar peoc'h.

Priz Nobel ar Peoc'h eo ar Priz Nobel nemetañ na vez ket roet e Stockholm, e Sveden.

Loreidi

Bloavezhioù 1900

Bloaz	Loread(ez)		Bro	Abeg
1901		Frédéric Passy	Bro-C'hall	« Abalamour m'eo unan eus diazezerien bennañ an Unaniezh Etreparlamantel hag ivez pennaozer Kendalc'h Hollvedel ar Peoc'h e 1899. »
		Jean Henry Dunant	Suis	« Abalamour d'e berzh e diazezadur Poellgor Etrebroadel ar Groaz Ruz. »
1902		Élie Ducommun	Suis	« Abalamour d'e labour evel Sekretour a Enor, Burev Etrebroadel ar Peoc'h. »
		Charles Albert Gobat	Suis	« Abalamour d'e labour evel Pennsekretour, Unaniezh Etreparlamantel ha Sekretour a Enor, Burev Etrebroadel ar Peoc'h. »
1903		William Randal Cremer	Rouantelezh-Unanet	« Abalamour d'e labour evel ezel, Parlamant ar Rouantelezh-Unanet ha Sekretour, Kevre Etrebroadel an Dredeogiezh (International Arbitration League). »
1904		Institut de Droit International	Belgia	« Abalamour d'e strivoù, evel aozadur nann-ofisiel, evit termeniñ pennaennoù hollek skiant al lezennoù etrebroadel. »
1905		Bertha von Suttner	Aostria-Hungaria	« Abalamour d'he labour evel Prezidantez a Enor Burev Etrebroadel ar Peoc'h hag aozerez Lay Down Your Arms – The Autobiography of Martha von Tilling ("Dilezit hoc'h armoù – Emvuhezskrid Martha von Tilling"). »
1906		Theodore Roosevelt	Stadoù-Unanet	« Abalamour d'al labour a hanterouriezh bet kaset da bennvat a-benn echuiñ gant ar Brezel Rusian-Japanat hag abalamour d'e atapi ouzh an dredeogiezh, p'en devoa degaset he degouezh kentañ da Lez-varn Etrebroadel Den Haag. »
1907		Ernesto Teodoro Moneta	Italia	« Abalamour d'he labour evel Prezidant, Kevre Lombardat ar Peoc'h ; unan eus an dud pennañ o labourat evit ar peoc'h en Italia. »
		Louis Renault	Bro-C'hall	« Kelenner war ar Gwir Etrebroadel, a oa Kannad pad Bro-C'hall e Lez-varn Etrebroadel Den Haag. »
1908		Klas Pontus Arnoldson	Sveden	« Diazezer Kevre Svedat ar Peoc'h hag an Dredeogiezh. »
		Fredrik Bajer	Danmark	« Abalamour d'he labour en Unaniezh Etreparlamantel pa oa Prezidant kentañ Burev Etrebroadel ar Peoc'h. »
1909		Auguste Marie François Beernaert	Belgia	Bet Pennmaodiern ; Ezel, Parlamant Belgia ; Ezel, Lez-varn Etrebroadel Den Haag ; « abalamour d'he labour en Unaniezh Etreparlamenael hag e Lez-varn Etrebroadel Den Haag. »
		Paul-Henri-Benjamin d'Estournelles de Constant	Bro-C'hall	Ezel, Sened Bro-C'hall ; diazezer ha Prezidant ar strollad parlamantel gall evit an dredeogiezh a-youl-vat ; diazezer ar Poellgor evit Difenn an Deurioù Broadel hag evit an Unvanidigezh Etrebroadel ; « abalamour d'e labour diplomatek evit ar c'henemglev etre Bro-C'hall hag Alamagn, Bro-C'hall hag ar Rouantelezh-Unanet, kevret gant ur remzad diplomatel dibar war tachenn an dredeogiezh. »
1910		Burev Etrebroadel ar Peoc'h	Suis	Krouet e 1891 ; « abalamour d'e labour evit kenliammañ aozadurioù ar Peoc'h eus meur a vro. »

Bloavezhioù 1910

Bloaz	Loread(ez)		Bro	Abeg
1911		Tobias Michael Carel Asser	Izelvroioù	Maodiern ; alvokad ; « abalamour d'e labour evel kentradour ar C'huzuliadegoù a-zivout ar Gwir Prevez Etrebroadel e Den Haag. »
		Alfred Hermann Fried	Aostria-Hungaria	Kazetenner ; diazezer ar gelaouenn Die Friedenswarte ("Engortoz ar Peoc'h") ; « abalamour m'en deus diazezet Kevredad Alaman ar Peoc'h. »
1912		Elihu Root	Stadoù-Unanet	Bet Maodiern an Aferioù Estren ; « abalamour m'eo bet kentradour meur a feur-emglev tredeogiezh, abalamour d'e zeur kreñv ouzh an dredeogiezh etrebroadel, hag abalamour d'e raktres evit ul lez-varn etrebroadel. »
1913		Henri La Fontaine	Belgia	Ezel eus Parlamant Belgia (senedour) ; « abalamour d'e labour evel Prezidant Burev Etrebroadel ar Peoc'h. »
1914	— Loread(ez) ebet en abeg d'ar Brezel-bed Kentañ —
1915
1916
1917		Kuzul Etrebroadel ar Groaz Ruz	Suis	« Abalamour m'en deus sammet ar poellad divent da glask gwareziñ gwirioù an niver bras a brizonidi en holl duioù ar Brezel-Bed Kentañ, en o zouez o gwir da vont e darempred gant o familhoù. »
1918	— Loread(ez) ebet —
1919		Woodrow Wilson	Stadoù-Unanet	Prezidant Stadoù-Unanet Amerika ; « abalamour m'en deus diazezet Kevre ar Broadoù. »
1920		Léon Victor Auguste Bourgeois	Bro-C'hall	Bet Sekretour-Stad ; Prezidant Sened Frañs ; Prezidant Kuzul Kevre ar Broadoù ; « abalamour m'en deus diazezet Kevre ar Broadoù »

Bloavezhioù 1920

Bloaz	Loread(ez)		Bro	Abeg
1921		Hjalmar Branting	Sveden	Pennmaodiern Sveden ; Kannad Sveden e Kevre ar Broadoù ; « abalamour d'e labour e Kevre ar Broadoù. »
		Christian Lous Lange	Norvegia	Pennsekretour an Unaniezh Etreparlamantel ; « abalamour d'e labour evel kentañ Sekretour Poellgor Nobel Norvegia, hag evel Pennsekretour an Unaniezh Etreparlamantel. »
1922		Fridtjof Nansen	Norvegia	Skiantour ; ergerzhour ; Kannad Norvegia, Kevre ar Broadoù ; enhenter « paseporzhioù Nansen » evit ar repuidi ; «abalamour d'e labour evit skoazellañ ar milionoù a dud e Rusia a oa o stourm ouzh an naonegezh, ha d'e labour evit ar repuidi en Anatolia hag e Trakia. »
1923	— Loread(ez) ebet —
1924
1925		Austen Chamberlain	Rouantelezh-Unanet	Maodiern an Aferioù Estren ; « abalamour d'e labour evel kengentradour Feurioù-emglev Locarno. »
		Charles Gates Dawes	Stadoù-Unanet	Besprezidant Stadoù-Unanet Amerika ; Kadoriad Poellgor ar Re Gevredet evit an Digoll ; « abalamour d'e labour evel kentradour "Raktres Dawes" da-geñver an digoll dleet gant Alamagn. »
1926		Aristide Briand	Frañs (Breizhad)	Maodiern an Aferioù Estren ; « abalamour d'e laour evel kengentradour Feurioù-emglev Locarno ha Kengrad Pariz (Kellog-Briand Pact pe General Treaty for Renunciation of War as an Instrument of National Policy, "Feur-emglev hollek evit dilezel ar brezel evel benveg politikel broadel"). »
		Gustav Stresemann	Alamagn	Bet Pennmaodiern (Reichs-kanzler) ; Maodiern an Aferioù Estren ; « abalamour d'e labour evel kengentradour Feurioù-emglev Locarno. »
1927		Ferdinand Buisson	Bro-C'hall	Bet Kelenner kozh e Skol-veur ar Sorbonne e Pariz ; krouer ha prezidant Kevre Gwirioù Mab-den ; « abalamour d'e labour evit adunvaniñ ar bobl c'hall hag ar bobl alaman. »
		Ludwig Quidde	Alamagn	Kelenner, Skol-veur Berlin ; ezel, Parlamant Alamagn ; perzhiad e meur a guzuliadeg evit ar Peoc'h ; « abalamour d'e labour evit adunvaniñ ar bobl c'hall hag ar bobl alaman. »
1928	— Loread(ez) ebet —
1929		Frank B. Kellogg	Stadoù-Unanet	Bet Maodiern an Aferioù Estren ; « abalamour d'e labour evel kengentradour Kengrad Pariz. »
1930		Lars Olof Jonathan (Nathan) Söderblom	Sveden	Arc'heskob ; penn al luskad ekumenek ; « abalamour d'e strivoù evit lakaat an Ilizoù da gemer perzh n'eo ket hepken a-benn tizhout an unvaniezh ekumenek, evit ar peoc'h er bed ivez. »

Bloavezhioù 1930

Bloaz	Loread(ez)		Bro	Abeg
1931		Jane Addams	Stadoù-Unanet	Kevredadourez ; Prezidantez Etrebroadel Kevre Etrebroadel ar Maouezed evit ar Peoc'h hag ar Frankiz (Women's International League for Peace and Freedom) ; « abalamour d'he labour evit degaskemmoù er gevredigezh, ha d'he labour evel penn KEMPF. »
		Nicholas Murray Butler	Stadoù-Unanet	Prezidant, Columbia University ; « abalamour d'e labour evel pennlusker Kengrad Pariz, hag evel penn ar rann mirourañ eus al luskad amerikan evit ar Peoc'h. »
1932	— Loread(ez) ebet —
1933		Sir Norman Angell (Ralph Lane)	Rouantelezh-Unanet	Skrivagner ; ezel, Poellgor Erounit Kevre ar Broadoù ; ezel, Kuzul Broadel ar Peoc'h (National Peace Council) ; « abalamour m'eo aozer The Great Illusion ("An touell meur"), ma sav a-du gant Kevre ar Broadoù ha m'en deus levezon war tachenn ar brudañ hag ar c'henteliañ diwar-benn ar Peoc'h. »
1934		Arthur Henderson	Rouantelezh-Unanet	Bet Maodiern an Aferioù Estren ; Prezidant, Kuzuliadeg Kevre ar Broadoù evit an Dizarmadeg (League of Nations Disarmament Conference) e 1932 ; « abalamour d'e labour e Kevre ar Broadoù, ha d'e strivoù a-fed diazarmadeg dreist-holl. »
1935		Carl von Ossietzky	Alamagn (Trede Reich)	Kazetenner e Die Weltbühne("Leurenn ar Bed") ; peoc'hgarour ; « abalamour d'e stourm a-enep adarmañ Alamagn. »
1936		Carlos Saavedra Lamas	Arc'hantina	Maodiern ; Prezidant Kevre ar Broadoù ; « abalamour d'e labpur evel hanterour e Brezel ar Chaco etre Paraguay ha Bolivia. »
1937		The Viscount Cecil of Chelwood	Rouantelezh-Unanet	Skrivagner, bet Mirour ar Siell Brevez (Lord Keeper of the Privy Seal) ; « abalamour d'e labour evel diazezer ha Prezidant Koulzad Etrebroadel ar Peoc'h (International Peace Campaign). »
1938		Ofis Etrebroadel Nansen ar Repuidi	Suis	Un aozadur etrebroadel evit sikour, bet krouet gant Fridtjof Nansen e 1921 ; « abalamour d'e labour evit skoazellañ ar repuidi. »
1939	— Loread(ez) ebet, en abeg d'an Eil Brezel-Bed —
1940

Bloavezhioù 1940

Bloaz	Loread(ez)		Bro	Abeg
1941	— Loread(ez) ebet, en abeg d'an Eil Brezel-Bed —
1942
1943
1944		Kengor Etrebroadel ar Groaz Ruz	Suis	Daleet betek 1945 e voe roadur ar Priz Nobel 1944 ; « abalamour d'al labour meur a zo bet graet e-pad an Eil Brezel-Bed en anv an denelezh. »
1945		Cordell Hull	Stadoù-Unanet	Bet Maodiern an Aferioù Estren ; unan eus perzhidi pennañ e krouidigezh Aozadur ar Broadoù Unanet ; « abalamour d'e stourm a-enep an emglozadouriezh en e vro, d'e strivoù a-benn krouiñ ur bloc'had Stadoù a-du gant ar Peoc'h war ar c'hevandir amerikan, ha d'e labour evit Aozadur ar Broadoù Unanet. »
1946		Emily Greene Balch	Stadoù-Unanet	« Bet Kelennerez war an Istor hag ar Gevredadouriezh ; Prezidantez Etrebroadel a Enor, Kevre Etrebroadel ar Maouezed evit ar Peoc'h hag ar Frankiz. »
		John Raleigh Mott	Stadoù-Unanet	« Kadoriad, Kuzul Misioner Etrebroadel (International Missionary Council) ; Prezidant, Emglev Bedel Kevredadoù Kristen ar Wazed Yaouank (World Alliance of Young Mens Christian Associations/YMCA). »
1947		Friends Service Council	Rouantelezh-Unanet	« Kendruez d'an hentez ha c'hoant d'o skoazellañ. »
		American Friends Service Committee	Stadoù-Unanet
1948	— Loread(ez) ebet —
1949		The Lord Boyd-Orr	Rouantelezh-Unanet	« Mezeg ; politikour war ar vagadurezh ; pennaozer ha Pennrener Aozadur ar Boued hag ar Gounezerezh (FAO) (Food and Agricultural Organization) ; Prezidant, Kuzul Broadel ar Peoc'h hag Unaniezh Bedel an Aozadurioù evit ar Peoc'h (World Union of Peace Organizations). »
1950		Ralph Bunche	Stadoù-Unanet	« Kelenner, Harvard University Cambridge, MA ; Rener, Director, rann ar Gulatoriezh, Aozadur ar Broadoù Unanet ; hanterour oberiant e Palestina, 1948. »

Bloavezhioù 1950

Bloaz	Loread(ez)		Bro	Abeg
1951		Léon Jouhaux	Bro-C'hall	« Prezidant, Poellgor Etrebroadel Kuzul Europa ; Besprezidant, Kengevredad Etrebroadel ar C'hweluniadoù Frank (International Confederation of Free Trade Unions/CFTU) ; ezel, Aozadur Etrebroadel al Labour ; kannad en Aozadur ar Broadoù Unanet. »
1952		Albert Schweitzer	Frañs (Elzasad)	« Surjian misioner ; diazezour ospital Lambaréné (Gabon). »
1953		George Catlett Marshall	Stadoù-Unanet	« Prezidant meur ar Groaz Ruz Amerikan ; bet Maodiern an Aferioù Estren ha Maodiern an Difenn ; kannad, A.B.U. ; kentradour Raktres Marshall. »
1954		Komiserezh Uhel ar Broadoù Unanet evit ar Repuidi	Suis	« Un aozadur-skoazellañ etrebroadel bet krouet gant Aozadur ar Broadoù Unanet e 1951. »
1955	— Loread(ez) ebet —
1956
1957		Lester Bowles Pearson	Kanada	Bet Maodiern an Aferioù Diavaez Kanada ; bet Prezidant ar 7vet Dalc'h eus Emvod Meur ar Broadoù-Unanet ; « abalamour d'ar perzh en deus graet evit klask lakaat termen da Enkadenn Suez, ha da zalc'h ar Reter-Kreiz dre hanterouriezh ar Broadoù-Unanet. »
1958		Georges Pire	Belgia	« Tad en Urzh Dominikan ; Penn an aozadur skoazellañ repuidi L'Europe du Coeur au Service du Monde. »
1959		Philip J. Noel-Baker	Rouantelezh-Unanet	Ezel, Parlamant ar Rouantelezh-Unanet ; « abalamour m'en deus labouret a-hed e vuhez evit ar peoc'h hag ar c'henlabour etre ar broioù. »
1960		Albert Lutuli	Suafrika	Prezidant an African National Congress/ANC ; «abalamour m'eo bet er penn a-raok evit ar stourm a-enep an apartheid e Suafrika. »

Bloavezhioù 1960

Bloaz	Loread(ez)		Bro	Abeg
1961		Dag Hjalmar Agne Carl Hammarskjöld	Sveden	Pennsekretour, Aozadur ar Broadoù Unanet ; «abalamour m'en deus kreñvaet an aozadur. »
1962		Linus Carl Pauling	Stadoù-Unanet	« Abalamour m'en deus stourmet a-enep taolioù-arnod an armoù nukleel. »
1963		Kuzul Etrevroadel ar C'hroazioù Ruz	Suis	« Abalamour d'o labour da-geñver gwareziñ gwirioù mab-den a-hed ar 100 bloavezh abaoe ma oa bet ganet Kuzul Etrevroadel ar C'hroazioù Ruz. »
		Kevre ar Groaz Ruz	Suis
1964		Martin Luther King, Jr.	Stadoù-Unanet	Stourmer evit ar gwirioù keodedel ; « abalamour m'eo an den kentañ e bed ar C'hornôg en deus diskouezet e c'haller kas ur stourm hep feulster. »
1965		UNICEF	Broadoù Unanet	« Un aozadur etrebroadel evit skoazellañ. »
1966	— Loread(ez) ebet —
1967
1968		René Cassin	Bro-C'hall	« Prezidant, Lez Europat Gwirioù Mab-den. »
1969		Aozadur Etrebroadel al Labour	Broadoù Unanet	« Pal pennañ Aozadur Etrebroadel a Labour eo staliañ pennaennoù a-benn ma vo gwellaet doareoù-labourat ha gwirioù kevredadel an implijidi. Diarvar eo an Aozadur e vo kreñvaet ar Peoc'h dre ar pennaenoù-se abalamour ma krennont an direzihderioù kevredadel. »
1970		Norman E. Borlaug	Stadoù-Unanet	Kreizenn Etrebroadel evit Gwellaat ar Maiz hag ar Gwinizh]] (International Maize and Wheat Improvement Center) ; « abalamour d'e zegasadennoù d'an "Dispac'h Glas" a voe ken pouezus e kenderc'hadur ar boued, en Azia ha Suamerika dreist-holl. »

Bloavezhioù 1970

Bloaz	Loread(ez)		Bro	Abeg
1971		Willy Brandt	RKA	Kañseller, Republik Kevreadel Alamagn ; « abalamour d'e Ospolitik. »
1972	— Loread(ez) ebet —
1973		Henry A. Kissinger	Stadoù-Unanet	« Abalamour da Genemglev Pariz evit ar Peoc'h bet sinet e 1973 evit degas un harz-tennañ e Brezel Viêt Nam hag emdenn an nerzh amerikan. »
		Lê Ðức Thọ (nac'het)	Viêt Nam (Republik Demokratel Viêt Nam)
1974		Seán MacBride	Iwerzhon	Prezidant, Burev Etrebroadel ar Peoc'h (International Peace Bureau) ; Prezidant, Poellgor Namibia ; « abalamour d'e zeur bras ouzh gwirioù mab-den : kas Kendivizad Europat Gwirioù Mab-Den (European Convention on Human Rights) dre Guzul Europa, sikour evit diazezañ ha kas Amnesty International ha labourat evel Pennsekretour Poellgor Etrebroadel ar Wiriaourien (International Commission of Jurists). »
		Eisaku Sato	Japan	Pennmaodiern Japan ; « abalamour m'en deus dilezet an dibab nukleel evit Japan, hag abalamour d'e strivoù evit kas pelloc'h adunvanadur er rannved. »
1975		Andrey Sac'harov	Unaniezh Soviedel	« Abalamour d'e stourm evit gwirioù mab-den, an dizarmañ hag ar c'henlabour etre an holl vroioù. »
1976		Betty Williams	Rouantelezh-Unanet (Iwerzhonadez)	« Diazezourezed Emsav ar Peoc'h evit Norzh Iwerzhon (anvet diwezhatoc'h Kumuniezh Tud ar Peoc'h). »
		Mairead Corrigan	Rouantelezh-Unanet (Iwerzhonadez)
1977		Amnesty International	Rouantelezh-Unanet	« Abalamour ma gwarez gwirioù mab-den ar brizonidi a goustiañs. »
1978		Mohamed Anwar el-Sadat	Egipt	« Abalamour da Emglevioù Camp David, a zegasas ur peoc'h kevraouet etre Egipt hag Israel. »
		Menachem Begin	Israel
1979		Mamm Tereza	India	« Penngaserez Misionerien ar Garitez (Missionaries of Charity). »
1980		Adolfo Pérez Esquivel	Arc'hantina	Penngasour gwirioù mab-den ; « abalamour m'en deus diazezet meur a aozadur difeuls evit gwirioù mab-den a-benn stourm ouzh ar juntenn vilourel a oa o ren war e vro, Arc'hantina. »

Bloavezhioù 1980

Bloaz	Loread(ez)		Bro	Abeg
1981		Komisererezh Uhel ar Broadoù Unanet evit ar Repuidi	Broadoù Unanet	« Un aozadur skoazell etrebroadel krouet gant ABU e 1951. »
1982		Alva Myrdal	Sveden	« Abalamour d'o labour dispar e nevidoù Feur-emglev Tlatelolco ar Broadoù Unanet evit an dizarmadeg, m'o deus kemeret pep a berzh pouezus ha gounezet an anaoudegezh etrebroadel. »
		Alfonso García Robles	Mec'hiko
1983		Lech Wałęsa	Polonia	« Krouer ar c'hweluniad Solidarność ; stourmer evit gwirioù mab-den. »
1984		Desmond Mpilo Tutu	Suafrika	« Eskob Johannesburg ; bet Pennsekretour, Kuzul Suafrikan an Ilizoù (South African Council of Churches). »
1985	I.P.P.N.W	International Physicians for the Prevention of Nuclear War	Stadoù-Unanet	(Mezeien Etrebroadel evit Dizarbenn ar Brezel Nukleel) ; « abalamour da zitouroù solius, ha dre grouiñ un emskiant ouzh heuliadoù dirfeudek an armoù nukleel. Krediñ a ra d'ar Poellgor e tegas kement-se d'e dro ur c'hresk er gwask a-berzh an dud a stourm ouzh paotadur an armoù nukleel, hag e kas da adtermeniñ an tevetoù en ur deurel muioc'h a evezh d'ar yec'hed ha da gudennoù denegour all. »
1986		Elie Wiesel	Stadoù-Unanet	« Kadoriad "Poellgor ar Prezidant a-zivout al Loskaberzh" ("The President's Commission on the Holocaust"). »
1987		Óscar Arias Sánchez	Costa Rica	« Abalamour d'e labour evit ar peoc'h e Kreizamerika, d'ar strivoù en deus kaset d'an emglev sinet e Guatemala d'ar 7 a viz Eost er bloaz-mañ. »
1988		Nerzhioù Mirout ar Peoc'h ar Broadoù-Unanet	Broadoù Unanet	« Abalamour d'o strivoù a gasas da zegasadennoù pouezus war-du sevenidigezh unan eus pennaennoù ar Broadoù Unanet. »
1989		Tenzin Gyatso 14vet Dalai Lama	Tibet	« Abalamour d'e stourm evit dieubiñ Tibet, a gasas en ur chom bepred a-enep implij ar feulster. Kentoc'h en deus erbedet diskoulmoù peoc'hus diazezet war ar c'houzañvusted hag ar gendoujañs, abalamour da wareziñ hêrezh istorel ha sevenadurel e bobl. »
1990		Mikhail Gorbatchev	Unaniezh Soviedel	Prezidant, Unaniezh Soviedel ; « abalamour d'e berzh gourfouezus en argerzh ar peoc'h a zo hiziv un dezverk pennañ e rannoù bras ar gumuniezh etrebroadel. »

Bloavezhioù 1990

Bloaz	Loread(ez)		Bro	Abeg
1991		Aung San Suu Kyi	Birmania	« Abalamour d'he stourm peoc'hus evit an demokratelezh ha gwirioù mab-den. »
1992		Rigoberta Menchú Tum	Guatemala	« Abalamour d'he labour evit ar reizhded kevredadel hag an adunvanadur kenelsevenadurel diazezet war an douj da wirioù ar pobladoù henvroat. »
1993		Nelson Mandela	Suafrika	« Abalamour d'o labour a-benn echuiñ gant renad an apartheid, hag evit bezañ diazezet ur Suafrika demokratel nevez. »
		Frederik Willem de Klerk	Suafrika
1994		Yasser Arafat	Palestina	« Evit enoriñ un ober politikel a ziarc'he un nerzh-kalon bras digant an daou du, hag en deus digoret hentoù nevez war-du ar vreudeuriezh er Reter-Kreiz. »
		Yitzhak Rabin	Israel
		Shimon Peres	Israel
1995		Joseph Rotblat	Rouantelezh-Unanet	« Abalamour d'o strivoù a-benn krennañ war berzh an armoù nukleel er bolitikerezh etrebroadel ha, war hiroc'h termen, kas hevelep armoù da get. »
		Pugwash Conferences on Science and World Affairs	Kanada
1996		Carlos Filipe Ximenes Belo	Timor ar Reter	« Abalamour d'o labour da-gaout un diskoulm reizh ha peoc'hus d'ar brezel e Timor ar Reter. »
		José Ramos-Horta	Timor ar Reter
1997	International Campaign to Ban Landmines		Stadoù-Unanet	("Koulzad etrebroadel evit forbannañ ar minoù") « Abalamour d'o labour a-benn forbannañ ha lemel ar minoù enepdenel. »
		Jody Williams	Stadoù-Unanet
1998		John Hume	Rouantelezh-Unanet (Iwerzhonad)	« Abalamour d'o strivoù a-benn kavout un diskoulm peoc'hus d'ar brezel e Norzhiwerzhon. »
		David Trimble	Rouantelezh-Unanet
1999	Médecins Sans Frontières		Suis	« Evit anaout labour diorreer ha denegour an Aozadur war meur a gevandir. »
2000		Kim Dae Jung	Republik Korea	« Abalamour d'e labour evit an demokratelezh ha gwirioù mab-den e Korea ar Su hag en Azia ar Gevred dre vras, hag abalamour d'ar peoc'h hag ar peoc'haat gant Korea an Norzh da gentañ penn. »

Bloavezhioù 2000

Bloaz	Loread(ez)		Bro	Abeg
2001		Broadoù Unanet		« Abalamour d'o labour a-benn sevel ur bet aozet gwelloc'h ha peoc'husoc'h. »
		Kofi Annan	Ghana
2002		Jimmy Carter	Stadoù-Unanet	« Abalamour d'an degadoù a vloavezhioù en deus tremenet o strivañ hep skuizhañ a-benn kavout diskoulmoù peoc'hus da genniñvoù etrebroadel, a-benn kas an demokratelezh ha gwirioù mab-den war-raok, hag a-benn herouezañ an diorroadur armerzhel ha kevredadel. »
2003		Shirin Ebadi	Iran	« Abalamour d'he strivoù evit an demokratelezh ha gwirioù mab-den, reoù ar maouezed hag ar vugale pergen. »
2004		Wangari Muta Maathai	Kenya	« Abalamour d'he degasadennoù war tachenn an diorroadur padus, an demokratelezh hag ar Peoc'h. »
2005		Ajañs Etrebroadel an Energiezh Atomek	Aostria	« Abalamour d'ar bec'h o deus lakaet evit mirout na vije graet gant an energiezh nukleel evit dezevioù milourel ha da asuraat e vije graet en doare surañ posupl gant an energiezh nukleel lakaet da dalvezout evit an dezevioù peoc'hus. »
		Mohamed El Baradei	Egipt
2006		Muhammad Yunus	Bangladesh	« Abalamour m'o deus aesaet buhez armerzhel ha kevredadel ar re baour, ar maouezed pergen, dre o labour difraoster war tachenn ar gorrgred. »
	Grameen Bank		Bangladesh
2007		Al Gore	Stadoù-Unanet	« Abalamour d'o strivoù a-benn sevel ha skignañ muioc'h a didouroù a-zivout ar c'hemmoù degaset en hin gant mab-den, ha diazezañ an disentezioù a zo rekis evit stourm ouzh ar c'hemmoù-se. »
		Bodad etregouarnamantel war kemmadur an hin	Suis
2008		Martti Ahtisaari	Finland	« abalamour d'e strivoù bras, war meur a gevandir hag e-pad pelloc'h eget tregont bloavezh, a-benn diskoulmañ kenniñvoù etrebroadel. »
2009		Barack Obama	Stadoù-Unanet	« Abalamour d'e strivoù bras-divent da greñvaat an diplomaterezh etrebroadel hag ar c'henlabour etre ar pobloù. »
2010		Liu Xiaobo	Sina	« Abalamour d'e stourm hir ha difeuls evit gwirioù diazez mab-den e Sina. »

Bloavezhioù 2010

Bloaz	Loread(ez)		Bro	Abeg
2011		Ellen Johnson-Sirleaf	Liberia	«Abalamour d'o stourm difeuls evit surentez ar merc'hed hag evit gwirioù ar merc'hed da gemer o ferzh leun e sevel ar peoc'h. »
		Leymah Gbowee	Liberia
		Tawakkul Karman	Yemen
2012		Unaniezh Europa	Unaniezh Europa	« Abalamour m'he deus kaset war-raok, e-pad ouzhpenn 60 vloaz, ar peoc'h hag an divroc'h, an demokratelezh ha gwirioù mab-den en Europa. »
2013		Aozadur evit Berzañ an Armoù Kimiek		« Abalamour d'e strivoù bras-kenañ a-benn dispenn an armoù kimiek. »
2014		Kailash Satyarthi	India	« Abalamour d'o stourm a-enep korvoerezh ar vugale hag ar yaouankizoù, hag evit gwir an holl vugale da gaout deskadurezh. »
		Malala Yousafzai	Pakistan
2015		Pevarad ar C'hendiviz Broadel e Tunizia	Tunizia
2016		Juan Manuel Santos	Kolombia
2017		International Campaign to Abolish Nuclear Weapons
2018		Denis Mukwege	Kongo (RD)
		Nadia Murad	Tunizia	« Abalamour d'o strivoù evit lakaat termen da implij ar feulster revel evel un arm-brezel »
2019		Abiy Ahmed	Etiopia	« Abalamour d'e strivoù evit degas peoc'h ha kenlabour etrebroadel, ha pergen abalamour d'e gentodenn evit lakaat termen d'ar brezel a-zivout an harzoù gant Eritrea amezek »
2020		World Food Programme	Italia	« Abalamour d'e strivoù evit stourm ouzh an naonegezh, d'e zegasadennoù evit gwellaat aozioù ar peoc'h e takadoù ma'z eus brezel ha d'e strivoù evit mirout na vefe arveret an naonegezh evel un arm-brezel »

Bloavezhioù 2020

Bloaz	Loread(ez)		Bro	Abeg
2021		Maria Ressa	Filipinez	« Abalamour d'o strivoù evit mirout ar frankiz eztaoliñ, a zo rekis evit an demokratelezh hag ar peoc'h padus. »
		Dmitry Muratov	Rusia
2022		Ales Bialiatski	Belarus	« Evit ar gevredigezh keodedel e ra loeridi Priz Nobel ar Peoc'h en o bro. E-pad meur a vloaz o deus broudet ar gwir da vurutellañ ar galloud ha da wareziñ gwirioù-diazez ar geodedourien. En un doare dibar o deus strivet evit teuliaduriñ torfedoù-brezel, mestaolioù ouzh gwirioù mab-den ha drougarverioù beli. A-gevret e tiskouezont pouezusted ar gevredigezh keodedel evit ar peoc'h hag an demokratelezh. »
		Memorial	Rusia
		Center for Civil Liberties	Ukraina

Daveoù

• (en) Lec'hienn ofisiel ar Prizioù Nobel