Loreena McKennitt
| Loreena McKennitt | |
| |
| Anv | Loreena Isabel Irene McKennitt |
|---|---|
| Ganet | 17 a viz c'hwevrer 1957 |
| Micher(ioù) | Sonerez, produiñ, kompozadur |
| Doare(où) | Sonerezh keltiek, Sonerezh ar bed, Sonerezh New Age |
| Doare mouezh | Soprano |
| Benveg(où) | Mouezh, Piano, Telenn, Boest an diaoul |
| Label(ioù) | Quinlan Road |
| Lec'hienn ofisiel | [1] |
kemmañ  |
|
Loreena Isabel Irene McKennitt, CM, OM, ganet d'ar 17 a viz C'hwevrer 1957 e Morden, Manitoba, zo ur ganerez hag ur sonaozourez kanadian, a son meur a venveg : telenn, [piano]], biolin, violoñsel hag akordeon.
Brudet eo evit skrivañ hag enrollañ sonerezh ar bed gant sonerezh keltiek hag eus ar Reter-Nesañ. Anavezet eo ivez evit he mouezh soprano[1].
Buhez
[kemmañ | kemmañ ar vammenn]Gant eo bet en ur familh a orin [iwerzhon]]at ha skosar, merc'h da Jack McKennitt (†1992), gwerzher chatal, hag e bried Irene Dickey (1931-2011), klañvdiourez). Deskiñ a reas seniñ ar piano ha kanañ. E-kerzh ar bloavezhioù 1970, e reas anaoudegezh gant ar sonerezh keltiek ha dreist-holl gant kentañ pladennoù Alan Stivell. Dre ar sonerezh ec'h anavezasi ar sevenadur keltiek. E 1974 en em gavas er Winnipeg Folk Festival e Manitoba.
E 1981 ec'h eas da Stratford (Ontario), ma kemeras perzh evel sonaozourez ha kanerez e gouelioù kêr, meur a vloaz da heul. Seniñ ha kanañ a eure e meur a gouelioù folk (Vancouver, Winnipeg) kent seveniñ un droiad sonadegoù e Kanada a-bezh. Er memes amzer e savas sonerezh daou deulfilm ha daou film hir.
E 1985 e krouas Quinlan Road, un embregerezh produerezh evit merañ he red-micher hag embann he fladennoù. Er bloaz-se ec'h embannas hec'h albom kentañ, Elemental, diazezet war donioù hengounel a-orin keltiek, ma kan war son an delenn. Da 100 000 skouerenn e savas gwerzh ar bladenn. Goude hec'h eil albom, To Drive the Cold Winter Away (1987) e voe Parallel Dreams (1989) hag he fevare pladenn, The Visit, a dizhas daou milion skouerenn werzhet.
E 1993 e sonas da-geñver an Edinburgh International Festival a-raok ober un droiad gant Mike Oldfield, ma sonas e kentañ lodenn ar sonadegoù Tubular Bells II.
An albom The Mask and Mirror (1994) zo un digoradur war bedoù all er sonerezh hengounel ; evit ar c'homzoù ec'h adkemeras arroudoù eus oberennoù gant William Shakespeare ha William Butler Yeats. He 6vet pladenn, The Book of Secrets (1997), zo bet anavezet er bed a-bezh dre m'eo bet skignet The Mummer's Dance gant kalz chadennoù skingomz, adkempennet ha berraet.
E 1998 e voe beuzet he c'haredig, e vreur hag ur mignon dezho en ur gwallzarvoud bageal. Goude an darvoud-se e reas un ehan gant e red-micher hag e krouas an aozadur Cook-Rees Memorial Fund for Water Search and Safety, un doare SNSM. Er mare-se edo o labourat war an albomLive in Paris and Toronto, enrollet er Sal Pleyel e Pariz hag er Massey Hall e Toronto hag ivez un nebeut kenlabourerzh ; d'an aozadur bet krouet ganti ec'h eas ar milionoù a zollaroù a voe degaset gant an albom.
D'ar 4 a viz Eost 2005 e kemeras perzh e festival folk Edmonton ma kanas, e-touesk reoù all, div ganaouenn eus e albom da zont, An Ancient Muse, deuet er gouloù e 2006. Diwezhatoc'h e profas moneiz da Arc'hant Sikour Kevredigezh ar Greskenn Ruz e turk hag ar Groaz Ruz e Gres. Tostoc'h d'ar gêr e prenas e 2002 ur skol gozh e Straford e Ontario, a oa tost da vezañ distrujet, hag eno e krouas ar Falstaff Family Center. E-kerzh ar mare-se e veajas Loreena McKennitt Gres, e Turkia hag e Mongolia evit kavout awen evit hec'h albom da zont.
E miz C'hwervrer 2006, Loreena McKennitt ac'h eas tre er Real World Studio (Breizh-Veur) evit enrollañ un albom nevez, deuet er-maez d'an 20 a viz Du 2006 dindan an anv An Ancient Muse. E miz Gwengolo ar bloaz-se ec'h enrollas ur sonadeg en Alhambra Granada e Spagn, a voe filmet evit un teulfilm skignet er skinwel e Norzhamerika.
E 2007, e stagas gant un droiad etrebroadel en Europa hag e Norzhmerika, gant he sonerien gozh ha nevez : Caroline Lavelle (violoñsel), Hugh Marsh (biolin), Donald Quan (klavieroù, tabla hag alto, Rick Lazar (binvioù-tosiñ), Nigel Eaton (biell)[2] ha Brian Hughes (gitaroù, oud, bouzouki) hag evit ar wech kentañ, ur soner toumperezh, Tal Bergman, dre ma'z eus muioc'h a doumperezh en albom An Ancient Muse.
D'an 21 a viz Eost 2007, e teuas er-maez an DVD Nights from the Alhambra gant sonadegoù an 13 hag ar 14 a viz Gwengolo 2006, filmet e palez Charles Quint en Alhambra Granada.
E 2008 e stagas Loreena McKennitt gant un droiad nevez en Europa hag e Norzhmerika. E Bro-C'hall e sonas e Gouel Etrekeltiek an Oriant hag e Gouelioù Kerne e Kemper, a-douez lec'hioù all.
Pladennoù
[kemmañ | kemmañ ar vammenn]- Albomoù enrollet en ur studio (10)
- 1985 : Elemental
- 1987 : To Drive the Cold Winter Away
- 1989 : Parallel Dreams
- 1991 : The Visit (Loreena McKennitt)|The Visit
- 1994 : The Mask and Mirror
- 1997 : The Book of Secrets
- 2006 : An Ancient Muse
- 2008 : A Midwinter Night's Dream
- 2010 : The Wind That Shakes the Barley
- 2018 : Lost Souls
- Albomoù enrollet war al leurenn (7)
- 1985 : Live in San Francisco at the Palace of Fine Arts
- 1999 : Live in Paris and Toronto
- 2007 : Nights from the Alhambra
- 2009 : A Mediterranean Odyssey
- 2012 : Troubadours on the Rhine
- 2019 : Live at the Royal Albert Hall
- 2022 : Under a Winter's Moon
- Albomoùgoù / EP[3] (3)
- 1994 : Live in San Francisco[4]
- 1995 : A Winter Garden : Five Songs for the Season
- 1997 : Words and Music[4]
- Pladennoù eeun (17)
- 1991 : The Lady of Shalott[5] • All Souls Nigh[5] • Courtyard Lullaby[5]
- 1993 : Greensleeves[5]
- 1994 : The Bonny Swans[6] • Santiago[6] • The Dark Night of the Soul[6]
- 1995 : The Mystic's Dream[6] • God Rest Ye Merry, Gentlemen[7]
- 1997 : The Mummers' Dance[8]
- 1998 :Marco Polo[8]
- 2006 : Caravanserai[9]
- 2007 : Penelope's Song[9]
- 2008 : The Seven Rejoices of Mary[10] • Noël Nouvelet![10]
- 2009 : Dante's Prayer[11]
- 2017 : Breaking of the Sword[12]
- Dastumadoù
- 2009 : A Mummers' Dance through Ireland
- 2013 : The Journey So Far – The Best of Loreena McKennitt
- Boestadoù
- 2008 : The Journey Begins
- 1998 : The Mummer's Dance
- 1998 : Marco Polo
DVD
[kemmañ | kemmañ ar vammenn]- 1997 : The Mummers' Dance
- 2004 : No journey's End
- 2007 : Nights from the Alhambra
- 2008 : The Bonny Swans
- 2009 : A Moveable Musical Feast, teulfilm
Sonerezh filmoù
[kemmañ | kemmañ ar vammenn]- 1985 : Bayo
- 1986 : Heaven on Earth
- 1987 : To a Safer Place (teufilm)
- 1989 : Goddess Remember (teulfilm)
- 1992 : Léolo (kanaouenn The Lady of Shalott)
- 1995 : Highlander|Highlander III (kanaouenn Bonny Portmore)
- 1995 : Jade (kanaouenn The mystic's dream )
- 1998 : Soldier (kanaouenn Night across the caucasus)
- 2001 : The Mists Of Avalon (perzh e sonaozadur ton an heuliad)
- 2001 : Cosmowarrior Zero (perzh e sonaozadur ton an heuliad)
- 2008 : Tinker Bell (Disney)
Enorioù
[kemmañ | kemmañ ar vammenn]- 1992 : Juno Award, gwellañ albom sonerezh hengounel, evit The Visit
- 1994 : Juno Award, gwellañ albom sonerezh hengounel, evit The Mask and the Mirror
- 1997 : Billboard International Achievement Award
- 2002 : Queen Elizabeth II Golden Jubilee Medal • Honorary Doctor of Letters, Wilfrid Laurier University
- 2003 : Order of Manitoba, OM[13]
- 2004 : Order of Canada, CM[13]
- 2005 : Honorary Doctor of Laws, University of Manitoba • Honorary Doctor of Laws, Queen's University • Canadian Ambassador
- 2006 : Honorary Colonel, 435 Transport and Rescue Squadron, Royal Canadian Air Force
- 2009 : Western Canadian Music Awards evit he labour a-bezh
- 2010 : Vancouver 2010 Winter Olympics, sonadeg en digoradur • Honorary Bachelor of Applied Business, George Brown College
- 2012 : Queen Elizabeth II Diamond Jubilee Medal
- 2013 : Chevalier de l'Ordre des Arts et des Lettres, Bro-C'hall
- 2014 : Honorary Colonel, Royal Canadian Air Force
- 2019 : Canadian Forces Decoration
Liammoù diavaez
[kemmañ | kemmañ ar vammenn]Notennoù
[kemmañ | kemmañ ar vammenn]- ↑ Loreena McKennitt.
- ↑ Ben Grossman a erlec'hias outañ goude ar sonadegoù en Alhambra.
- ↑ Extended Play ; nebeutoc'h a donioù eget en un albom, muioc'h eget en ur bladenn eeeun (single).
- ↑ 4,0 ha4,1 N'eo ket bet lakaet e gwerzh.
- ↑ 5,0 5,1 5,2 ha5,3 Albom The Visit.
- ↑ 6,0 6,1 6,2 ha6,3 Albom The Mask and Mirror.
- ↑ Albom A Winter Garden: Five Songs for the Season
- ↑ 8,0 ha8,1 Albom The Book of Secrets.
- ↑ 9,0 ha9,1 Albom An Ancient Muse.
- ↑ 10,0 ha10,1 Albom A Midwinter's Night Dream
- ↑ Albom ebet.
- ↑ Albom Lost Souls.
- ↑ 13,0 ha13,1 Live "Ezel".