Sant-Filiberzh

Ur pennad Saint-Philibert zo ivez.

Sant-Filiberzh

Iliz katolik Sant Filiberzh.

Anv gallek (ofisiel)

Saint-Philibert

Melestradurezh

56233

56470

Maer
Amzer gefridi

François Le Cotillec
2014-2026

Etrekumuniezh

An Alre Kiberen Douar Atlantel

Bro velestradurel

Bro an Alre

Lec'hienn web

(fr)Sant-Filiberzh

Poblañsouriezh

Poblañs

1 524 ann. (2020)^[1]

Stankter

216 ann./km²

Douaroniezh

Daveennoù
lec'hiañ

47° 35′ 15″ Norzh
2° 59′ 56″ Kornôg / 47.5875, -2.99888888889

Uhelderioù

kreiz-kêr : 15 m
bihanañ 0 m — brasañ 26 m

Gorread

7,05 km²

Sant-Filiberzh

Sant Filiberzh^[2]^,^[3] pe Lokfiliberzh^[4] zo ur gumun eus Breizh e Kanton an Alre e departamant ar Mor-Bihan.

An anv[kemmañ | kemmañ ar vammenn]

Er geriadurioù boas^[5]^,^[6]^,^[7] koulz hag er yezh komzet e reer Sant-Filiberzh pe Sant-Filiber^[8] eus ar gumun, ha se eo a lenner ivez war kartenn vrezhonek Breizh embannet gant Ofis ar Brezhoneg^[9]. Met Lokfiliberzh eo bet evit an Ofis etre 2005 ha 2015^[10], diwar ur stumm meneget gant Erwan Vallerie en e levr Diazezoù studi istorel an anvioù-parrez : « meneget ez eus bet deomp ur stumm *Locphilibert en XVIIvet kantved e dihelloù ar barrez gant an aotrou Kabelleg, person »^[11].

Douaroniezh[kemmañ | kemmañ ar vammenn]

Ribloù stêr Lokfiliberzh ha stêr an Alre

E beg ur stêrig, tost da stêr an Alre, ha war lez ar Meurvor Atlantel emañ Sant-Filiberzh.

Ardamezioù[kemmañ | kemmañ ar vammenn]

En glazur e lestr ouzh kleiz en argant, e ouel gwisket en erminig ; e gab en aour karget gant teir c'hrogenn istr geotet ha treustellet.
Aozer : R. Le Bagousse.

Istor[kemmañ | kemmañ ar vammenn]

Gwechall e oa un tamm eus Lokmaria-Kaer.

XIX^vet kantved[kemmañ | kemmañ ar vammenn]

E 1870 e oa deuet da vout ur barrez distag. Dont a reas chapel Itron Varia ar Stêr, pe Itron Varia ar C'hinivelezh, pe c'hoazh Itron Varia an Tre hag al Lanv, da vout iliz-parrez. Krouet e voe ar gumun, da-heul, d'an 23 a viz Even 1892 diwar ul lodenn eus kumun Lokmaria-Kaer^[12], ugent vloaz goude ar goulenn ofisiel kentañ.

XX^vet kantved[kemmañ | kemmañ ar vammenn]

Brezel-bed kentañ[kemmañ | kemmañ ar vammenn]

Mervel a reas 30 gwaz hervez ar blakenn en iliz katolik^[13], 33 hervez monumant ar re varv ag ar gumun^[14] abalamour d'ar brezel, eleze 4,20 % eus he foblañs e 1911.

Eil brezel-bed[kemmañ | kemmañ ar vammenn]

Tri den yaouank eus ar gumun a voe serret gant an Alamaned e Charente e miz Eost 1942; o klask mont da heul ar re Gevredet e oant; daou anezhe a voe fuzuilhet e miz Here 1942, an trede hini a varvas en ur c'hamp-bac'h^[15].
Mervel a reas unnek den ag ar gumun abalamour d'ar brezel

Brezelioù didrevadenniñ[kemmañ | kemmañ ar vammenn]

Brezel Indez-Sina[kemmañ | kemmañ ar vammenn]

Lazhet e voe ur martolod eus ar gumun d’an 10 a viz Even 1953 e Fai Fao er Viêtnam^[16].

Brezel Aljeria[kemmañ | kemmañ ar vammenn]

Mervel a reas ur martolod eus ar gumun d’ar 16 a viz Ebrel 1961^[17].

Monumantoù ha traoù heverk[kemmañ | kemmañ ar vammenn]

Taolioù-maen.

An iliz katolik.
Keur ha stern-aoter.
Ar feunteun e-tal an iliz.

Iliz katolik Sant Filiberzh.

Bigi engouestl en iliz katolik.

Plakenn ar re varv eus ar Brezel-bed Kentañ.

Monumant ar re varv.

Emdroadur ar boblañs abaoe 1962[kemmañ | kemmañ ar vammenn]

Niver a annezidi

Brezhoneg[kemmañ | kemmañ ar vammenn]

D'ar 26 a viz Meurzh 2015 e oa bet votet ar garta Ya d'ar brezhoneg gant kuzul-kêr ar gumun.

Liammoù diavaez[kemmañ | kemmañ ar vammenn]

Commons

Muioc'h a restroù diwar-benn