Les Contes de ma Mère l'Oye

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Un embannadur eus *Les Contes de ma Mère l'Oye*, oberenn Charles Perrault, e 1695.

*Ma Mère l'Oy*e, skeudennet gant Gustave Doré

Commons

Muioc'h a restroù diwar-benn

Les Contes de ma Mère l'Oye

a vo kavet e Wikimedia Commons.

Les Contes de ma Mère l'Oye zo un dastumad eizh kontadenn c'hallek e komz-plaen skrivet gant Charles Perrault e 1697, a zo bet embannet dindan an titl Histoires ou contes du temps passé, avec des moralités : Contes de ma mère l'Oye. Hiziv ez eo un oberenn glasel el lennegezh evit ar vugale, ma'z eo damankouaet oberennoù all ar skrivagner.

Talbenn

Ma Mère l'Oye zo un anv ijinet, hini ar goueriadez a gont an istorioù, ur vaouez eus ar seurt a oa anavezet gant lennerien an oberour.

Kentañ meneg eus Ma Mère l'Oye a gaver e 1660 en ur gelaouenn sizhuniek anvet La Muse Historique dindan pluenn Jean Loret. Gant Perrault eo e vo brudet ar vaouez kaezh.

Ar c'hontadennoù

Ar Goantenn e Koad ar C'housk (La Belle au Bois Dormant)
Kabellig Ruz (Le Petit Chaperon rouge)
Paotr e varv glas (Barbe Bleue)
Kazh e heuzoù (Le chat botté)
Ar Boudiged (Les fées)
Luduennig (Cendrillon ou la petite pantoufle de verre)
Bechenneg (Riquet à la houppe)
Meudig (Le Petit Poucet)

Teir danevell, bet skrivet a-raok, zo bet staget ouzh an dastumad.

La Marquise de Saluces ou la patience de Grisélidis (1691)
Les Souhaits Ridicules (1694)
Kroc'hen Azen (Peau d'Âne) (1694), ha n'hall ket ar vugale kompren en he stumm orin, met embannet eo bet en ur stumm azasaet outo.

E brezhoneg

An holl gontadennoù-se zo bet embannet e stumm pe stumm e brezhoneg evit ar vugale. Lod a gaver e dastumad Levrioù ar vugale, embannet er bloavezhioù 1950 ha 1960 gant Per Denez e ti Al Liamm.

Orin

Lakaet e oa bet al levr dindan anv mab an oberour (ganet e 1678) pa voe embannet. Oberennoù all a zeuas a-zindan pluenn Charles Perrault, met homañ eo an hini vrudetañ.

N'en deus ket ijinet ar c'hontadennoù, met gwisket en deus en un doare lennegel koñchennoù a veze kontet d'ar vugale en e amzer gant mitizhien ha magerezed diwar ar maez. Eveltañ e reas Anatol ar Braz pa dapas brud gant La Légende de la Mort, al levr savet diwar gontadennoù brezhonek klevet gantañ.

Awenet eo bet Perrault ivez gant kontadennoù ar skrivagner italian Giambattista Basile, en doa dastumet kontadennoù e Kreta ha savet ul levr ganto.

E saozneg

E 1729 e voe embannet e saozneg troidigezh levr Perrault, Histories or Tales of Past Times, Told by Mother Goose. Diwar neuze e teuas Mother Goose da vezañ mamm an holl gontadennoù hag an holl rimadelloù.

Ar penntudennoù

Ar roñfl

Ar roñfl n'en deus ken c'hoant nemet debriñ an haroz. Skeudenniñ a ra ar c'hoant dall a zegas distruj ha war un dro an tad a ranker diskar da zont e-maez ar vugaleaj.

Ar wrac'h

Skeudenn ar vamm hek eo-hi, kemmesket a-wechoù gant hini al lezvamm, a harz karantez an tad ouzh e vugale. Mirout ouzh an haroz a vont war-raok a venn ober, distruj anezhañ a-wechoù, dre gwidreoù ha troioù hud.

Ar briñsez hag ar priñs yaouank koant

Ar briñsez n'eus ket dezhet dezhi c'hoazh petra eo ar garantez. Ret eo dezhi erruout en oad ar gaezouregezh a-raok. Gwadañ a-greiz-holl a ra Koantenn Koad ar C'housk pa vroud he biz gant un nadoz, evel ma wad ar plac'hig pa zegouezh hec'h amzerioù kentañ, met ur pennad e rank gortoz c'hoazh, evel ar Goantenn gant he fennad kousk hir, a-raok ma vo prest da amprouiñ ar garantez en he c'hig.

Gwelout ar pennadoù gwerc'h ha dimezell.

Ar Bleiz

Ar skrid

Liammoù diavaez