Kristian ar Braz

Kristian ar Braz
Anv ofisiel	Christian Le Braz
Obererezh	Danevellour, troer
Yezh skrivañ	brezhoneg
Rumm lennegel	danevelloù, romantoù evit ar re yaouank, troidigezhioù
Oberennoù pennañ
Spont (2008) Kest (2009) Rebetiko 2012 Diskaner 2014

Kristian ar Braz zo ur filmaozer breizhat, ganet ha savet e Menez Are. Bevet en deus en Alamagn, e Bro-Skos hag en Iwerzhon. Labourat en deus evit ar skingomz RCF Rivages e Brest.

Levrioù zo bet skrivet gantañ evit ar vugale hag ar grennarded. Troet en deus romantoù ha pezhioù-c'hoari. Skrivet en deus danevelloù a zo bet embannet er gelaouenn Al Liamm (Rebetiko en niverenn 394 ;Diskaner en niverenn 406). Bet en deus bet Kristian ar Braz Priz 2012 danevelloù e brezhoneg Kêr Garaez evit Rebetiko.

Embann a ra lod eus e filmoù e kaouenn.net koulz ha video hag enrolladennoù lennegel war www.blazproduktion.bzh pe [1]

Stummadurioù berr e brezhoneg a ra ivez gant ar gevredigezh Blaz Produktion.

Oberennoù

Filmoù

• A-hed ar c’hantved, Blaz Produktion, embannet gant TES (2007) (4DVD, 5H30 a filmoù)
• Ti Dédé e Bro ar sivi, da welet e Kaouenn.net : [2].
• Kudenn ebet
• Hag ur bern reoù all

Romantoù ha danevelloù

• Spont, Keit Vimp Bev, 2008, 46 p., ISBN 978-2-86824-108-5 (Priz ar Vugale 2009)
• Kest, Keit Vimp Bev, 2009, 98 p., ISBN 978-2-86824-132-8 (Priz ar Yaouankiz 2010)
• Pelec'h emañ an Tad Nedeleg ?, Keit Vimp Bev, 46p, 2014, ISBN 978-2-86824-218-1.
• Rebetiko hag istorioù all (9 danevell), Al Liamm, 2016, ISBN 978-2-7368-0117-5
• Kest (aodiolevr gant testenn PDF da heul), Al Liamm, 2018

Troidigezhioù

• e galleg :
  • Troidigezh romant Roparz Hemon, Nenn Jani - A Brest au début du siècle, Coop Breizh, 1998, ISBN 978-2843460371.
  • Irlande libre vers une paix durable, gant Gerry Adams, Éditions Apogée, 1996, ISBN 978-2-909275-71-0
  • Orangeman et autres histoires, danevelloù gant Fred Johnston, Terre de brume, 2010, ISBN 978-2-84362-438-4
• e brezhoneg :
  • Unan eus an dud o deus labouret da sevel CP mat da zeskiñ gant Pik-Pik eo (TES, 2002).
  • Distro (Making it home), pezh-c'hoari gant Gerry McDonnell, embannet e 2013 gant Al Liamm gant ur CD. ISBN 978-2-7368-0096-3
  • A-ziwar Logod ha Tud, gant John Steinbeck. Mouladurioù Hor Yezh. Troet diwar an amerikaneg (sic). 2013
  • Chaokañ mizer (an Béal Bocht), gant Flann O'Brien, embannet gant Mouladurioù Hor Yezh, 2014, ISBN 978-2-86863-172-5.
  • Tev ar gwad, tanav an dour (No great mischief), gant Alistair MacLeod, Al Liamm, 2015
  • Galv ar bed gouez (The Call of the Wild), gant Jack London, Mouladurioù Hor Yezh, 2016
  • An diwaller er segaleg (The Catcher in the Rye), JD Salinger, Al Liamm, 2018
  • Merc'hed war-dro (Amongst Women), John MacGahern, Al Liamm, 2019