Kristian ar Braz

Kristian ar Braz
Anv ofisiel	Christian Le Braz
Obererezh	Danevellour, troer
Ganedigezh	1949
Yezh skrivañ	brezhoneg
Rumm lennegel	danevelloù, romantoù evit ar re yaouank, troidigezhioù
Oberennoù pennañ
Spont (2008) Kest (2009) Rebetiko (2012) Diskaner (2014) Kroashent-tro (2020) Moussa (2023)

Kristian ar Braz (skrivet ivez Kristian Braz) zo ur filmaozer breizhat, skrivagner ha troer, ganet e 1949 ha savet e Menez Are. Bevet en deus en Alamagn, e Bro-Skos, e Hellas hag en Iwerzhon. Labouret en deus evit ar skingomz RCF Rivages e Brest.

Levrioù zo bet skrivet gantañ evit ar vugale hag ar grennarded. Troet en deus romantoù ha pezhioù-c'hoari. Skrivet en deus danevelloù a zo bet embannet er gelaouenn Al Liamm (Rebetiko en niverenn 394 ;Diskaner en niverenn 406). Bet en deus bet Kristian ar Braz Priz 2012 danevelloù e brezhoneg Kêr Garaez evit Rebetiko, e 2018 adarre evit Feunteun Santez Diboan, hag e 2023 evit E Penn ar Wern.

Embannet eo e filmoù war Vimeo k koulz ha war YouTube [1].

Stummadurioù berr e brezhoneg a ra ivez gant ar gevredigezh Blaz Produktion hag ober a ra war-dro ar webradio divyezhek Radio Ribin - Mouezh an Are ma kinnig ivez enrolladennoù testennoù lennegel.

Oberennoù

Filmoù

• A-hed ar c’hantved, Blaz Produktion, embannet gant TES (2007) (4 DVD, 5e30 a filmoù)[2]
• Ti Dédé e Bro ar sivi, da welet e Kaouenn.net : [3].
• Kudenn ebet
• Hag ur bern reoù all, mui atersadennoù klok A-hed ar C'hantved : [4]

Romantoù ha danevelloù

• Spont, Keit Vimp Bev, 2008, 46 p., ISBN 978-2-86824-108-5 (Priz ar Vugale 2009)
• Kest, Keit Vimp Bev, 2009, 98 p., ISBN 978-2-86824-132-8 (Priz ar Yaouankiz 2010)
• Pelec'h emañ an Tad Nedeleg ?, Keit Vimp Bev, 46 p., 2014, ISBN 978-2-86824-218-1.
• Rebetiko hag istorioù all (9 danevell), Al Liamm, 2016, ISBN 978-2-7368-0117-5 (Priz Langleiz)
• Kest (aodiolevr gant testenn PDF da heul), Al Liamm, 2018
• Park ar boudiged, Keit Vimp Bev, 43 p., 2019
• Ar gurunenn, Keit Vimp Bev, 50 p., 2020
• Kroashent-tro (danevelloù), Al Liamm, 2020
• Moussa (danevelloù), Al Liamm, 2023

Troidigezhioù

• e galleg :
  • Troidigezh romant Roparz Hemon, Nenn Jani - A Brest au début du siècle, Coop Breizh, 1998, ISBN 978-2843460371.
  • Irlande libre - Vers une paix durable, gant Gerry Adams, Éditions Apogée, 1996, ISBN 978-2-909275-71-0
  • Orangeman et autres histoires, danevelloù gant Fred Johnston, Terre de brume, 2010, ISBN 978-2-84362-438-4
• e brezhoneg :
  • Unan eus an dud o deus labouret da sevel CP mat da zeskiñ gant Pik-Pik eo (TES, 2002).
  • Distro (Making it home), pezh-c'hoari gant Gerry McDonnell, embannet e 2013 gant Al Liamm gant ur CD. ISBN 978-2-7368-0096-3
  • A-ziwar Logod ha Tud, gant John Steinbeck. Mouladurioù Hor Yezh. Troet diwar an amerikaneg (sic). 2013
  • Chaokañ mizer (an Béal Bocht), gant Flann O'Brien, embannet gant Mouladurioù Hor Yezh, 2014, ISBN 978-2-86863-172-5.
  • Tev ar gwad, tanav an dour (No great Mischief), gant Alistair MacLeod, Al Liamm, 2015
  • Galv ar bed gouez (The Call of the Wild), gant Jack London, Mouladurioù Hor Yezh, 2016
  • Paotr e valizenn (Boy with a Suitcase), pezh-c'hoari radio gant Mike Kenny evit Teatr Piba, 2017
  • An diwaller er segaleg (The Catcher in the Rye), J. D. Salinger, Al Liamm, 2018
  • Merc'hed war-dro (Amongst Women), John MacGahern, Al Liamm, 2019
  • War an hent (On the Road), gant Jack Kerouac, Al Liamm, 2021
  • Dremmwel amspis (Ungefähre Landschaft), Peter Stamm, Al Liamm 2023
  • Ar spier a zistroe eus ar yenijenn (The Spy who came in From the Cold), John Le Carré, Mouladurioù Hor Yezh, 2023
  • Da vezañ embannet e 2025 : Skrapet (Kidnapped) gant R.L. Stevenson (Mouladurioù Hor Yezh)