Karl III (Impalaer ar C'hornôg)
|
|
- Diwar-benn Karl III, impalaer ar c'hornôg eo ar pennad. Ur pennad all all zo diwar-benn Charlez III, roue Frankia ar C'hornôg (879-929).
| Reizh pe jener | paotr  |
|---|---|
| Anv e yezh-vamm an den | Charles le Gros, Karl der Dicke |
| Anv-bihan | Karl |
| Deiziad ganedigezh | 839, 832 |
| Lec'h ganedigezh | Neudingen |
| Deiziad ar marv | 13 Gen 888 |
| Lec'h ar marv | Neudingen |
| Abeg ar marv | kleñved |
| Lec'h douaridigezh | Abbey of Reichenau |
| Tad | Loeiz Germania |
| Mamm | Emma Bavaria |
| Pried | Richardis Swabia |
| Bugel | Bernard |
| Familh | Karolingidi |
| Micher | monark |
| Karg | king of West Francia, Carolingian Roman emperor, king of East Francia |
| Relijion | kristeniezh |
| Perc'henn war | Nantouillet Castle |
Karl III, lesanvet Karl Dev (Karl der Dicke en alamaneg)[1]; (839 -† 13 a viz Genver 888 e Neudingen). Roue e oa e Frankia ar reter eus 876 betek 887, roue Italia eus 879 betek 887, Impalaer ar C'hornôg eus 881 betek 888, ha roue Frankia ar c'hornôg hag ar Franked eus 885 betek 887.
E lignez
[kemmañ | kemmañ ar vammenn]Mab e oa da Loeiz II Germania hag Emma Bavaria (war-dro 808- † 31 a viz Genver 876), a oa merc'h da Welf Iañ ha c'hoar da Judit Bavaria, eil pried Loeiz an Deol.
Tad e vije da zou vab bastard: Karloman Germania (war-dro 864-876) ha Bernez Germania (891).
E vuhez
[kemmañ | kemmañ ar vammenn]Eurediñ a reas da Richardis Swabia e 862, met bugel ebet n'o doe. Anvet e voe da impalaer ar c'hornog war-lerc'h marv e dad. Kurunennet e voe Karl ha Richardis e Roma gant ar pab Yann VIII d'an 12 a viz C'hwevrer 881. E 882, marvet e zaou vreur, Karloman Bavaria ha Loeiz III Germania, ec'h adunvanas broioù ar Franked hag an impalaeriezh.
Alouberien viking a deus da lakaat freuz ha reuz e Loren: madoù a roas dezho e-lec'h stourm a-enep dezho. Galvet e voe da vout rejant evit Karl III , mab diwezhañ Loeiz II. E Mezheven 885 e resev le fealded uhelidi rouantelezh ar franked e palez Ponthion. Pa gemeras ar garg a gulator e oa peuzadsavet Impalaeriezh Karl Veur, war-bouez Provañs ha reter Bourgogn.
En miz Here 886 e lammas an Normaned war Neustria hag e teujont da lakaat seziz war gêr Pariz. Ha setu Krl o teredek eus Germania gant un armead da reiñ harp, met gwell e kavas ober emglev gant ar Varbared ha reiñ 700 lur arc'hant dezho ha leuskel anezho da vont da breizhata da Vourgogn.
Kollet pep galloud gantañ, mervel a eure Karl d'an 13 a viz genver 888, e manati Neudingen war lez an Danav. Beziet e voe e manati Reichenau en un enezenn e Lenn Konstanz.
Notennoù
[kemmañ | kemmañ ar vammenn]- ↑ Ijinet eo bet al lesanv "an Tev" en XIIvet kantved. Pe tev pe moan pe treut e oa, n'ouzer ket.
Levrlennadur
[kemmañ | kemmañ ar vammenn]- Jean-Charles Volkmann, Bien Connaître les généalogies des rois de France ISBN 2-87747-208-6
- Michel Mourre, Le petit Mourre. Dictionnaire d'Histoire universelle ISBN 978-2-04-732194-2
| En e raok: Karloman II |
Rouaned ar Franked .svg) 885 – 887 Rejañs |
War e lerc'h: Odo Iañ |
| En e raok: Karl Voal |
Impalaer ar C'hornôg  881 – 888 |
War e lerc'h: Guido III Spoleto |