Kamala Harris

Eus Wikipedia
Kamala Harris e 2021.

Kamala Harris (distaget [ˈkɑ.mə.lə ˈhæ.ɹɪs] e saozneg) zo ur bolitikourez stadunanat ganet d'an 20 a viz Here 1964 e Oakland (Kalifornia). Danvez besprezidantez eo e-kichen Joe Biden evit ar Strollad Demokrat e dilennadeg prezidant ar Stadoù-Unanet e 2020.

Un armerzhour genidik eus Jamaika e oa he zad, deuet da SUA e 1961, hag ur vevoniourez eus India he mamm, deuet da SUA e 1960. Desavet eo bet e Oakland hag e Kebek.

Prokulorez veur Kalifornia eo bet eus 2011 betek 2017. Senedourez eo e Kendalc'h ar Stadoù-Unanet abaoe 2017. Mont a ra war ar renk evit bezañ danvez prezidantez an SUA evit ar Strollad Demokrat, met tennañ a ra hec'h anv a-raok ar raktro aozet gant ar strollad. Goude se eo anvet da zanvez besprezidantez gant Joe Biden evit dilennadeg prezidant ar vro e 2020. D'ar 7 a viz Du 2020 e embann an ajañs Associated Press, ha war he lerc'h ar mediaioù bras stadunanat, eo trec'h an danvez prezidant demokrat war Donald Trump. Dont a ra Kamala Harris da vezañ besprezidantez nevez ar vro eta, ar vaouez, an den du hag an den aziat kentañ war un dro da dizhout ar garg-se.

Mennozhioù[kemmañ | kemmañ ar vammenn]

A-du eo evit adreizhañ sistem yec'hed ar Stadoù-Unanet ha berzañ an armoù-arsailh.

Notennoù ha daveoù[kemmañ | kemmañ ar vammenn]

Liammoù diavaez[kemmañ | kemmañ ar vammenn]