Jermen Auxerre

Eus Wikipedia
Jermen Auxerre
den
Reizh pe jenerpaotr Kemmañ
Bro ar geodedouriezhHenroma Kemmañ
Anv e yezh-vamm an denGermain d'Auxerre Kemmañ
Anv-bihanGermain Kemmañ
Deiziad ganedigezh378 Kemmañ
Lec'h ganedigezhAuxerre Kemmañ
Deiziad ar marv31 Gou 448 Kemmañ
Lec'h ar marvRavenna Kemmañ
Yezhoù komzet pe skrivetlatin Kemmañ
Micherbeleg katolik, eskob katolik Kemmañ
KargRoman Catholic Bishop of Auxerre Kemmañ
StudierPadrig Kemmañ
Bet studier daAmator Kemmañ
RelijionIliz katolik roman Kemmañ
Stad ar c'hanonizasionsant Kemmañ
Gouel31 Gouere Kemmañ
PrantadLow Roman Empire Kemmañ

Jermen Auxerre (Garmon e kembraeg), ganet war-dro 378 en Auxerre, e Galia, ha marvet d'an 31 a viz Gouhere 448 e Ravenna (Italia) a oa un eskob galian er Vvet kantved hag ur politikour a bouez bras en e amzer .

Istor[kemmañ | kemmañ ar vammenn]

Tud a renk uhel e oa e dud, ha desket mat e voe. Gouarnour e voe, en Arvorig marteze, hag e lec'hioù all.
Dont a reas da vout kristen, hag anvet e voe da ziagon gant an eskob Amator. Eskobet e voe e 418, war-lerc'h marv Amator, rak dibabet e oa bet gant an eskob kozh en desped dezhañ hervez ar vojenn. Stourm a reas ouzh ar belagiegezh gant e geneil Hilarius, arc'heskob Arle. Klevout a reas e oa en Enez Vreizh un den anvet Agricola, mab d'un eskob, hag a oa krog da vrudañ an disivoud er vro. Ur sened-eskibien a voe bodet e Troyes ha dibabet e voe kas Jermen ha Loup Troyes da Vreizh da enebiñ ouzh ar belagiz, da virout na zirannje Iliz Breizh diouzh hini Roma ha na zistaolje kelennadurezh Sant Aogustin diwar-benn grasoù Doue.

En Enez Vreizh[kemmañ | kemmañ ar vammenn]

Div wech ez eas da Enez Vreizh da stourm ouzh an disivoud.

Diskibien e-leizh en doe, ha darn anezho (Iltud, Brieg, Gweltaz) zo anavezet evel sent vrezhon Arvorig.
Lod a wel e Jermen Auxerre orin istorel donedigezh menec'h Enez Vreizh da Arvorig, ha da-heul, krouidigezh Breizh.

E vez[kemmañ | kemmañ ar vammenn]

Mervel a eure e Ravenna, kêrbenn an Ostrogoted da neuze, e miz Gouhere 448 pe 449. Kaset e voe e gorf, evel en doa goulennet, da Auxerre en-dro. Pemp plac'h yaouank a voe dibabet da vont da-heul an arched: Pallaye, Magnance, Procaire, Camille ha Maxime. Skuizhet meurbet gant ar veaj ne dizhjont ket ar pal, ha mervel a eurejont war an hent. O anv zo bet roet da veur a gêriadenn, evel Sainte-Magnance, Sainte-Pallaye e departamant an Yonne .
E-lec'h ma voe beziet e voe savet abati Saint-Germain gant ar rouanez Klotilda, gwreg ar roue frank Klovis. Pa voe kavet e gorf divrein bloavezhioù war-lerc'h e voe miret en iliz abatiel. Distrujet e voe gant an Hugunoded e 1567.

Skridoù[kemmañ | kemmañ ar vammenn]

Anavezet eo e vuhez a voe skrivet gant Constantius Lyon, war-dro 480. Hennezh a oa keneil da'n eskob Lupus a oa gant Jermen en Enez Vreizh.

E Breizh[kemmañ | kemmañ ar vammenn]

Levrlennadur[kemmañ | kemmañ ar vammenn]

  • Constantius of Lyon: The Life of St. Germanus of Auxerre, eds. Thomas Noble and Thomas Head, translators, in: Soldiers of Christ: Saints' Lives from Late Antiquity and the Early Middle Ages, (Pennsylvania State University Press, 1994), pp. 75–106.
  • F.R. Hoare, The Western Fathers (New York: Harper Torchbooks, 1965). pàgs. 283-320.
  • Article de la Catholic Encyclopedia
  • E.G. Bowen, The Dedications of the Celtic Saints in Wales.
  • E.A Thompson, Saint Germanus of Auxerre and the End of Roman Britain (Woodbridge, 1984).
  • I.N. Wood, The End of Roman Britain: Continental Evidence and Parallels, M. Lapidge & D. Dumville ed. Gildas: New Approaches (Woodbridge, Suffolk ; Dover, New Hampshire, 1984), pàgs. 1 – 25.
  • E.A Thompson, Saint Germanus of Auxerre and the End of Roman Britain (Woodbridge, 1984).
  • I.N Wood, ‘The End of Roman Britain: Continental Evidence and Parallels’, in M. Lapidge & D. Dumville ed. Gildas: New Approaches (Woodbridge, Suffolk ; Dover, New Hampshire, 1984), pp. 1 – 25.

Liammoù diavaez[kemmañ | kemmañ ar vammenn]