Istria
Istria (Istra e kroateg hag e sloveneg, Istria en italianeg) zo ul ledenez vras en arvor Mor Adria. En em astenn a ra war ur gorread a 2 820 km2.
Emañ al lodenn vrasañ eus al ledenez e Kroatia, bremañ, gant lodennoù bihanoc'h e Slovenia hag Italia. Aod kornôk Istria zo 242,5 km hec'h hed (hep kontañ inizi bihan) hag an aod reter zo 202,6 km hec'h hed (hep kontañ enezennoùigoù ivez).
E-touez kêrioù bras Istria emañ :
Istor[kemmañ | kemmañ ar vammenn]
Dont a ra an anv eus hini ur bobl illirek, anvet Histri gant ar Romaned ha Ιστρών έθνος gant ar C'hresianed. Evit ar Romaned e oant morlaeron griz hag aloubet e voe ar vro gant armeoù Roma war-dro ar bloavezh 177 kent J.K..
Goude diskar an Impalaeriezh roman e voe aloubet Istria gant Lombarded ha Goted, hag a-benn ar fin en em gavas e Republik Venezia e 1420. Ur broviñs eus Impalaeriezh Aostria-Hungaria e voe goude bezañ bet ul lodenn eus Rouantelezh Italia hag eus Proviñsoù Illiria, da vare Napoleon.
War-lerc'h ar Brezel-bed Kentañ e teuas da vezañ ul lodenn eus Italia, dre Emglev Versailhez hag e dibenn an Eil Brezel-bed e voe roet da Yougoslavia.
Abalamour d'an istor-se e vez kavet bremañ el ledenez italianegerien, kroategerien ha slovenegerien.
Yezh[kemmañ | kemmañ ar vammenn]
Istrieg zo ur yezh romanek komzet gant war-dro 3 000 a dud e mervent al ledenez.
Liammoù diavaez[kemmañ | kemmañ ar vammenn]
- istria.net, e saozneg
- Touristerezh en Istria (saozneg, alamaneg, italianeg, kroateg)