Gourloez
-
Delwenn-led Gourloez en Iliz ar Groaz Santel e Kemperle. -
Iliz Kemperle a oa iliz Abati ar Groaz Santel, ha Gourloez ar c'hentañ abad anezhañ. -
Plakenn-straed e Kemperle. -
Feunteun ha chapel Sant Urloù e Lannejenn. -
Feunteun Sant Urloù e Langedig. -
Delwenn Gourloez e Chapel Sant Tugdual e Landudal.
Gourloez, anavezetoc'h evel Urlo pe Urloù, pe Sant Urlo, a voe kentañ abad Abati ar Groaz Santel e Kemperle. Abadet e voe d'ar 14 a viz Gwengolo 1029 gant Orscand, eskob Naoned. Erruout a reas en e abati nevez gant 12 manac'h o tont eveltañ eus abati Redon. Madoù a voe roet d'an abati gant Alan Kanhiart, kont Kerne : Lothea, Bai, Mellag, Tremeven hag Ar Gerveur.
Mervel a reas e 1057 goude bet o ren an abati e-pad eizh vloaz warn-ugent war-bouez ugent deiz, hervez Dom Placide Le Duc. Anvet eo bet da wenvidig gant ar pab.
Lec'hioù
[kemmañ | kemmañ ar vammenn]Enoret eo e Lannejenn ha Langedig, eno en deus pep a chapel hag a feunteun en e anv. Brudet e oa dour e feunteunioù da bareañ droug-sant-Urlou, pe an urloù. Ur chapel all en e anv a oa gwechall e Leskoed e Sant-Tudal.
Levrlennadur
[kemmañ | kemmañ ar vammenn]- Henri Guiriec, La Région de l'Ellé - bas et haut Ellé (pajennoù 33, 34 ha 36), e ti an aozer, 1939.