Geriadur brezhoneg An Here

Eus Wikipedia
(Adkaset eus Geriadur an Here)
Mont d’ar merdeerezh Mont d’ar c’hlask

Geriadur brezhoneg An Here eo anv an eil geriadur brezhoneg embannet gant An Here e 2001 hag an hini brasañ. N'eo ket adembannadur hep skeudennoù geriadur 1995 eo hepken, rak daougementet eo niver ar gerioù ennañ : 21 300 pennger zo, gant skouerioù ha troiennoù.

Skrivagnerien[kemmañ | kemmañ ar vammenn]

Skrivet eo bet gant ur skipailh renet gant Martial Ménard hag Iwan Kadored. 47 den all o deus kemeret perzh, o anvioù a gaver er pajennoù kentañ. Ur bajenn a zo ivez evit kinnig kuzul skiantel ar geriadur, kaset e oa gant Per Denez ha 15 den gantañ.

Danvez[kemmañ | kemmañ ar vammenn]

Ar pennadoù a zo bet skrivet gant tud a bep seurt, darn anezho gopret gant an embanner. Ur bern skouerioù zo tennet eus levrioù pe skridoù lennegel eus an XIXvet pe an XXvet, pe koshoc'h zoken.

Evezhiadennoù[kemmañ | kemmañ ar vammenn]

  • N'eus skouer ebet gant a-us, nemet gant a-uc'h.
  • Skrivet e vez hunvre, pa gaver huñvre e geriadur divyezhek Roparz Hemon.
  • Skrivet e vez Stad, evel e meur a c'heriadur all, gant ur bennlizherenn evel e galleg, pezh ne vez ket degemeret gant ar re a skriv stad diwar skouer ar yezhoù all.
  • Meneg ebet eus ar rakger nann.

Pennad kar[kemmañ | kemmañ ar vammenn]