Fallschirmjäger

Eus Wikipedia
Sauter à la navigation Sauter à la recherche
Fallschirmschützenabzeichen pe ardamez harzlammerien Alamagn an Trede Reich

Fallschirmjäger zo ur ger alamanek evit "harzlammerien". Fallschirm (harz-lamm) ha Jäger (chaseour, hag ar ger boas eo en alamaneg evit ober anv eus an droadeien lijer). Ur roll hollbouezus a zo bet gant an unvezioù-se e-pad an Eil Brezel-bed. Asambles gant ar Gebirgsjäger e oant gwelet evel nerzhioù gwellañ lu an Trede Reich. E fin an Eil Brezel-bed e oant bet adsavet diouzhtu evel ul lod eus nerzhioù difenn Alamagn ar C'hornôg, kement hag eus Alamagn ar Reter met gant ur roll nerzhioù ispisial.

Ar Fallschirmjäger a oa bet an harzlammerien gentañ o vezañ implijet niverus en un taol e-pad an Eil brezel-bed evit an oberiadurioù brezel dre an oabl. Lesanvet e oant bet "green devils" (Diaouled gwer) gant nerzhioù ar Gevredidi a stourme a-enep dezho.

E-pad emgann Normandi, soudarded harlammerien Fallschirmjäger gant un MG42.

Fallschirmjäger ha Breizh[kemmañ | kemmañ ar vammenn]

Unvezhioù Fallschirmjäger o deus bet stourmet e Breizh e-pad an Eil Brezel-bed. Brud o deus tapet evit o zifenn eus kêr Brest.

2. Fallschirmjäger-Division[kemmañ | kemmañ ar vammenn]

An 2. Fallschirmjäger-Division a zo chomet stag gant Breizh dre ma voe savet an divizion e miz C'hwevrer 1943 e Breizh, e-kostez Gwened. An divizion-se a oa bet stummet adal ar Fallschirm-Jäger-Regiment 2 (FJR.2) hag an II./Fallschirm-Artillerie-Regiment 1. Goude an Dilestradeg en Normandi e voe adkaset an divizion e-kostez Landerne, kemer a reas perzh e sez Brest.

Torfedoù brezel[kemmañ | kemmañ ar vammenn]

Ma vez brud mat war an unvezhioù harzlammerien Fallschirmjäger e-pad hag abaoe an Eil Brezel-bed e voe kaset da benn torfedoù brezel a-enep trevourien ganto. Memes ma ne voent ket niverus e voe anezho: