Auguste Dupouy
Auguste Dupouy (29 a viz Du 1872 e Konk-Kerne - 12 a viz Ebrel 1967 e Kemper) a oa kelenner ha skrivagner.
Mab da renerien ur fritur staliet e Sant-Wennole e oa hag e lise Brest e tapas e vachelouriezh. Mont a reas da Bariz d'ober e studi en École normale supérieure. Labourat a reas evel kelenner war al lizhiri klasel e meur a lec'h : Kemper, Angers, Reims, Rouen, Vanves, hag el lise Louis-le-Grand e Pariz, evit echuiñ e 1937 da vat.
Ouzhpenn sevel arnodskridoù war al lennegezh e skrivas ur bern pennadoù e kelaouennoù hag un hanter-kant bennak a levrioù, romantoù, studiadennoù, barzhonegoù, darn anezho o tennañ da Vreizh. Distreiñ a reas da Vreizh e 1947. War dachenn ar mennozhioù e tiskoueze bezañ stag ouzh ar Republik gall hag ouzh sevenadur Breizh war un dro hag ober a rae rendael d'ar vroadelourien vreizhat. Ur mare kalet e voe an Eil Brezel-bed evitañ, pa gollas e zaou vab ennañ.
Skrivañ a reas pennadoù evit La Dépêche de Brest et de l'Ouest, La Démocratie nouvelle, ha kelaouennoù all c'hoazh evel La Bretagne touristique, savet gant Octave-Louis Aubert.
A-hed e vuhez hir en deus graet anaoudegezh gant Bretoned illur a bep seurt, evel Anatol ar Braz, Charlez ar Govig, Alfred Guillou, Jean-Julien Lemordant, Charles Chassé, Tangi Malmanche, Taldir, Mathurin Méheut, Henri Queffélec, Pêr-Jakez Heliaz.
Beziet e voe e Sant-Wennole, er Vro Vigoudenn.
Oberennoù[kemmañ | kemmañ ar vammenn]
- Partances, barzhonegoù, 1905
- A. de Vigny, 1913
- France et Allemagne: littératures comparées, 1913
- Pêcheurs bretons, 1919
- Le Port de Rouen, 1920
- L'Affligé, 1922
- Brest et Lorient, 1922
- Le Chemin de ronde, 1923
- Rome et les lettres latines, 1924, 1946
- Les peintres de Bretagne, 1924
- La paix des champs, 1925
- Gallus, 1928
- Horace, 1928
- Le Breton Yves de Kerguelen, 1929
- Carmen de Mérimée, 1930
- L'Homme de la Palud, 1931
- Histoire de Bretagne, 1932
- Face au couchant : Brest, la côte et les îles, 1934
- Marlène, 1935 (adembannet evel On l'appelait Marlène ou Un amour bigouden, Editions de la Cité, 1972; La Découvrance, 2006,[ISBN 978-2-84265-419-1]
- Charcot, 1938
- La Basse Bretagne, 1940
- La Bretagne intellectuelle et littéraire, e-barzh Visages de la Bretagne (1941).
- Chants de la traversée (barzhonegoù), 1942
- Géographie des lettres françaises, 1942
- Elvire inspiratrice de Lamartine, 1944
- La poésie de la mer dans la littérature française, 1947
- Michelet en Bretagne. Son Journal inédit d'août 1831, 1947.
- Au pays bigouden. Brodeurs, brodeuses, broderies, 1947
- Au Pays breton : la Cornouaille, 1950
- Penmarc'h, 1951
- Costumes bretons, 1951
- Souvenirs d'un pêcheur en eau salée, 1953
- La Pêche maritime et le pêcheur en mer, 1955
- Saint Guénolé Penmarc'h, 1956
- Penmarc'h en pays bigouden, 1958
- Les Romans de l'histoire de France, skrivet asambles gant Henry Dupuy-Mazuel, embannet etre 1932 ha 1959