Auguste Dupouy

Eus Wikipedia
Mont da : merdeiñ, klask

Auguste Dupouy (29 a viz Du 1872 e Konk-Kerne - 12 a viz Ebrel 1967 e Kemper) a oa douaroniour ha skrivagner.

Mab da renerien ur fritur e oa. Mont a reas da Bariz d'ober e studioù en École Normale Supérieure. Labourat a reas evel kelenner e meur a lec'h : Kemper, Angers, Reims, Rouen, Vanves, hag el lise Louis-le-Grand e Pariz, evit echuiñ.

Ouzhpenn studiañ an douaroniezh ha sevel levrioù war an danvez-se e skrivas ur bern pennadoù e kelaouennoù hag un hanter-kant bennak a levrioù, diwar-benn douaroniezh Breizh, studiadennoù lennegezh, barzhoniezh. Distreiñ a reas da Vreizh e 1947. War dachenn ar mennozhioù e tiskoueze bezañ stag ouzh ar Republik gall hag ouzh sevenadur Breizh war un dro hag ober a rae rendael d'ar vroadelourien vreizhat. Ur mare kalet e voe an Eil Brezel-bed evitañ, pa gollas e zaou vab ennañ.

Skrivañ a reas pennadoù evit La Dépêche de Brest et de l'Ouest, La Démocratie nouvelle, ha kelaouennoù all c'hoazh evel La Bretagne touristique, savet gant Octave-Louis Aubert.

A-hed e vuhez en deus graet anaoudegezh gant Bretoned a bep seurt, evel Anatol ar Braz, Charlez ar Govig, Charles Chassé, Tangi Malmanche, Henri Queffélec, Pêr-Jakez Heliaz.

Beziet e voe e Sant-Wennole, er Vro Vigoudenn.

Oberennoù[kemmañ | kemmañ ar vammenn]

  • Partances, barzhonegoù, 1905
  • A. de Vigny, 1913
  • France et Allemagne: littératures comparées, 1913
  • Pêcheurs bretons, 1919
  • Le Port de Rouen, 1920
  • L'Affligé, 1922
  • Brest et Lorient, 1922
  • Le Chemin de ronde, 1923
  • Rome et les lettres latines, 1924, 1946
  • Les peintres de Bretagne, 1924
  • La paix des champs, 1925
  • Gallus, 1928
  • Horace, 1928
  • Le Breton Yves de Kerguelen, 1929
  • Carmen de Mérimée, 1930
  • L'Homme de la Palud, 1931
  • Histoire de Bretagne, 1932
  • Face au couchant : Brest, la côte et les îles, 1934
  • Marlène, 1935 (adembannet evel On l'appelait Marlène ou Un amour bigouden, Editions de la Cité, 1972; La Découvrance, 2006,[ISBN 978-2-84265-419-1]
  • Charcot, 1938
  • La Basse Bretagne, 1940
  • La Bretagne intellectuelle et littéraire, e-barzh Visages de la Bretagne (1941).
  • Chants de la traversée (barzhonegoù), 1942
  • Géographie des lettres françaises, 1942
  • Elvire inspiratrice de Lamartine, 1944
  • La poésie de la mer dans la littérature française, 1947
  • Michelet en Bretagne. Son Journal inédit d'août 1831, 1947.
  • Au pays bigouden. Brodeurs, brodeuses, broderies, 1947
  • Au Pays breton : la Cornouaille, 1950
  • Penmarc'h, 1951
  • Costumes bretons, 1951
  • Souvenirs d'un pêcheur en eau salée, 1953
  • La Pêche maritime et le pêcheur en mer, 1955
  • Saint Guénolé Penmarc'h, 1956
  • Penmarc'h en pays bigouden, 1958
  • Les Romans de l'histoire de France, skrivet asambles gant Henry Dupuy-Mazuel, embannet etre 1932 ha 1959

Liamm diavaez[kemmañ | kemmañ ar vammenn]