Claire

Claire pe Clair zo un anv-badez gallek roet d'ar merc'hed, hag un anv-badez saoznek roet d'ar baotred. Roet e vez d'ar merc'hed e saozneg ivez bremañ abaoe m'eo bet war ar c'hiz gant ar Vreizhveuriz er bloavezhioù 1970 ha 1980.

Gerdarzh

Deuet eus an anv-gwan latin clarus, clara, clarum, "sklaer".

Stummoù all

• adstummoù : Clarisse, Clairette.
• anvioù kevrennek: Anne-Claire, Marie-Claire

Yezhoù all

• Chiara ha Clarice, en italianeg.
• Clara e spagnoleg.
• Clare e saozneg.
• Klara en alamaneg ha brezhoneg.
• Kler e brezhoneg.

E brezhoneg

• Klara eo an anv meneget e Buhez ar Sent, e 1912 evit ar santez italian Chiara d'Assisi. D'an 12 a viz Eost eo lakaet, daoust ma oa marvet ar santez d'an 11 a viz Eost.
• E Geriadur Vallée e kaver, er pennad "clair": Sklaer, Sklaera, Yuna(ñ).
• Sklêrijenn, Sklaerenn, Sklaera pe c'hoazh Sklaerder eo ar stummoù brezhonek a gaver en deiziadurioù brezhonek, diazezet moarvat war levr Gwennole ar Menn, Grand choix de prénoms bretons, e 1995 ma n'eus meneg ebet ken eus an anv Klara.
• Sklaerder a gaver en anv Itron Varia ar Sklaerder, e Ploumanac'h, e Treger. N'eo ket anavezet evel anv-badez koulskoude.
• A-wechoù e vez kemmesket an anv gallek Claire ha hini ar santez vrezhon Klervi.

Tud

Claire Élisabeth de Vergennes, poltredet gant Guillaume Descamps, 1813

XIX^vet kantved

• Claire Élisabeth de Vergennes (1780-1821), kontez c'hall ha skrivagnerez c'hallek.
• Claire Clémence Henriette Claudine de Maillé de La Tour-Landry (1796-1861), dugez c'hall, unan eus karantezioù Honoré de Balzac.

XX^vet kantved

• Claire Bretécher (Naoned, 1940 - Pariz 2020), treserez vreizhat
• Claire Etcherelli, skrivagnerez c'hall
• Claire Vanhonnacker (Waregem, 1953 – Buggenhout, 1992), kanerez flandrezek

XXI^vet kantved

• Claire Holt (g. e 1988), aktourez aostralian

Lennegezh

• Claire, romant gallek gant Jacques Chardonne en 1931.

Lec'hioù

• Claire City, e SUA
• Sainte-Claire, e Kebek