Charles Jules de Gaulle

Eus Wikipedia
Mont da : merdeiñ, klask
Charles de Gaulle

Charles Jules Joseph de Gaulle (anvioù-pluenn: Charlez a Vro-C'hall, Barz Bro-C'hall) ganet e Valenciennes d'an 31 a viz Genver 1837 ha marvet e Pariz d'ar 1 a viz Genver 1880, a zo bet ur c'heltiegour, ur c'helaouenner hag ur barzh brezhonek.

Brudet eo p'en doa roet lañs d'ar sinadeg kentañ evit goulenn digant ar republik c'hall ma vije savet un deskadurezh e brezhoneg hag er yezhoù rannvroel all. Eontr e oa d'un den kalz brudetoc'h, Charles de Gaulle, bet prezident gouarnamant gall ha prezidant ar Republik c'hall.

Buhez[kemmañ]

Mab e oa da Julien-Philippe de Gaulle ha da Joséphine Maillot.
Pa oa klañvidik ha nammet gant ar seizi abaoe e ugent vloaz e talc'has da studiañ brezhoneg ha kembraeg, met ne c'hellas ket beajiñ hag eñ rediet da chom en e goazez war e gador-vrec'h en e ranndi e straed Vaugirard, e Pariz.

Obererezh en emsav lennegel ha politikel brezhon[kemmañ]

Entanet e oe gant lenn Barzaz Breiz hag e heulias an emsav lennegel kaset da benn gant Kervarker. Kemer a reas perzh en aozadur ar C'hendalc'h keltiek 1857 e Sant-Brieg. Skrivañ a reas meur a bennad gallek diwar-benn ar yezhoù keltiek evit ar c'helaouennoù skiantel (Revue celtique, Revue de Bretagne et de Vendée). Ur pennad brezhonek a savas evit Feiz ha Breiz ivez.
Skekretour e oe da vBreuriez Breiz, ur gevredigezh barzhed vrezhonek.
E 1870 ec'h aozas gant Henri Gaidoz ha H. de Charancey ur c'houlennadeg da vezañ kaset d'ar Vodadeg-lezenniñ.

Gwerzennoù adkemeret gant ar Prezidant Charles de Gaulle[kemmañ]

En e brezegenn e Kemper e 1969 e tistagas ar prezidant gall Charles de Gaulle un nebeud gwerzennoù brezhonek bet skrivet gant e c'houreontr [1] (video).