Charles Cornic du Chesne

Eus Wikipedia
Sauter à la navigation Sauter à la recherche
Traffic cone.png
Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ
Charles Cornic

Charles Cornic du Chesne , bet ganet d'ar 5 a viz Gwengolo 1731 e Plouyann ha marvet eno d'an 12 a viz Gwengolo 1809. Un ofiser war vor hag ur c'hourser eo bet.

Ganet eo bet e kastell Susunioù e Plouyann (ur gumun enteuzet e Montroulez hiziv) ha pa oa e dad ur paramantour e krogas gant ar merdeerezh evel mous war listri e dad. Pleustriñ a reas ar vicher pesketaer en Douar-Nevez.
Goude bezañ bet div wech prizoniad war bagoù kourserien ez eas e 1757 d'ofiser war vor evel letanant fourgadenn diwar abeg m'en doa torret ar gronn-mor saoz (Brezel Seizh Vloaz e oa) ha degaset da Vrest ur c'hargad kanab prenet en Izelvroioù.

Ober a reas ar brezel kourserezh ha tapout meur a lestr saoz karget gant danvezioù prizius eus an Indez. Evit an taolioù-kaer-se e voe anvet kabiten lestr-taner e 1761 ha kabiten lestr e 1778. Echu ar brezel e krogas gant sevel tresoù ar porzhioù, an aodoù eus Brest da Enez-Vriad ha lakaat balizennoù e Bae Montroulez.

Anvet koronal kanolierezh e Bourdel ez eas da du an Dispac'h gall hag kuitaat a ra ar servij e 1793. Dont a reas da Vontroulez en-dro evit bezañ melestrer foran ha merour an traoù morel.