Breizh War Raok

Eus Wikipedia
Sauter à la navigation Sauter à la recherche

Ur strollad politkel breizhad eo Breizh War Raok. Krouet eo bet e 2010. Anavezet eo dreist-holl dre e anv gallek, Mouvement Bretagne et Progrès (MBP). Emrenour hag a-gleiz eo. Kristian Troadeg eo e vouezh-aotreet. Dilennidi all a zo izili, evel Kristian Derrien, maer Langoned ha kuzulier departamant, ha tudennoù eus an Emsav evel André Lavanant ha Charlie Grall. Tost eo mennozhioù pennañ ar strollad[1] da re Unvaniezh Demokratel Breizh (UDB), daoust d'an daou strollad bezañ heuliet strategiezhioù disheñvel en amzer dremenet.

Istor[kemmañ | kemmañ ar vammenn]

Krouet e oa bet Breizh War Raok e 2010, goude an dilennadegoù rannvro, pa oa bet tizhet 4,29% eus ar mouezhioù gant listenn Kristian Troadeg e rannvro Breizh. Da c'houde ez eas war ar renk pe gant Strollad Breizh, pe gant strolladoù all eus an tu-kleiz, pe c'hoazh e-unan. E 2012 e ve tizhet 19,92% eus ar mouezhioù e pastell-vro Kastellin gant Kristian Troadec.

A-raok dilennadegoù rannvro 2015 e voe savet un emglev etre Breizh War Raok hag UDB, ha krouet al listenn Breizh Evel-Just ganto. Dont a rejont a-benn da dizhout 6,71%, goude ma oa bet torret lañs o c'houlzad kabaliñ gant gwalldaolioù miz Du e Pariz. Ar pevare listenn e oa evit an disoc'hoù e rannvro Breizh. E 2016 e voe embannet e vefe kendalc'het gant Breizh Evel-Just e 2017, ha ledanet an emglev e Breizh a-bezh, gant bro-Naoned.

Notennoù[kemmañ | kemmañ ar vammenn]

  1. [http://mouvement-bretagne-progres.fr/charte-dadhesion-karta-emezelan/ Mouvement Bretagne et Progrès – Breizh War Raok]