Blodeuwedd

Eus Wikipedia
Sauter à la navigation Sauter à la recherche
Blodeuwedd, livadur gant Christopher Williams (1930).
Kaouenn doare keltiek. En ur gaouenn e voe troet Blodeuwedd.

Ur plac'h hud eo Blodeuwedd krouet gant ar strobinellerien Gwydion fab Dôn ha Math fab Mathonwy da vout pried da Lleu Llaw Gyffes. Hec'h istor a lenner er Mabinogi, e skourr Math fab Mathonwy.

Mojenn Blodeuwedd[kemmañ | kemmañ ar vammenn]

Krouet eo bet Blodeuwedd gant Gwydion ap Dôn ha Math fab Mathonwy, diwar bleunioù derv, banal ha rouanez-ar-pradeier, da vout pried da Lleu Llaw Gyffes. Ar bravañ maouez zo er bed eo-hi. Aet eo da chom gant he fried Lleu Llaw Gyffes da Domen y Mur, lec'hienn ur c'hreñvlec'h roman kozh e-kichen Trawsfynydd hiziv.
Un deiz ez eas Lleu da welout ar roue Math d'e lez, e Caer Dathyl. E-keit-se e tegouezhas, en e di, Gronw Pebyr, aotrou Penllyn, a oa o chaseal er vro. Ha Blodeuwedd da orgediñ ouzh Gronw Pebr. Hag an daou da itrikañ lazhañ Lleu. Met n'halle ket Lleu bezañ lazhet evel un den ordinal.

Evel pinijenn e voe troet en kaouenn gant Gwydion.

Gerdarzh[kemmañ | kemmañ ar vammenn]

Savet e vije anv Blodeuwedd diwar blodau (bleuñvenn) ha gwedd (gwez). Met un adstumm zo, Blodeufedd, diwar blodeu ha medd (mez, chouchenn).

Lennegezh[kemmañ | kemmañ ar vammenn]

Gant Saunders Lewis eo bet savet ar pezh anvet Blodeuwedd, diazezet war ar vojenn.

Film[kemmañ | kemmañ ar vammenn]

Ur film, Tylluan Wen zo bet graet e 1997 gant ar gompagnunezh Ffilmiau'r Nant evit S4C, diwar romant Angharad Jones, Y Dylluan Wen.

Lennadurezh[kemmañ | kemmañ ar vammenn]

  • W.J. Gruffydd, Math Vab Mathonwy (Caerdydd, 1928). Skrid orin ha troidigezh saoznek.
  • Ifor Williams (gol.), Pedeir Keinc y Mabinogi (Caerdydd, 1930)