Beg ar vronn

Beg bronn ur vaouez, stegnet.

War-du an diabarzh eo troet beg ar vronn gleiz.

Beg-bronn gwaz, stegnet e-kreiz ar blev.

Begoù-bronnoù dreist-kont. A - Dreist-kont. B - Ordinal. C - Dreist-kont

Beg ar vronn a vez graet eus ul lodenn eus ar vronn, an hini uhelañ pa vez gourvezet ar c'horf.

Tanavoc'h eo kroc'hen ar vronn er beg anezhi, eno e c'hall laezh ar maouezed treuziñ evit reiñ da zenañ. Graet eo beg ar vronn evit magañ, bezañ chutet, pe sunet, eta. Kerkent ha ganet e oar ar vugale klask beg ar vronn, ha chutal anezhañ.

Leun a nervennoù kizidik eo kroc'hen beg ar vronn. Pa deu riv d'ar c'horf, pe c'hoazh pa sav tan ar c'hoant ennañ, e teu begoù an divronn da stegnañ.
A-hervez eo dre biñsañ anezho e c'haller gouzout ha van a ra paotr pe blac'h da vout semplet.

Reizhelezh

Tener eo beg an divronn, ha plijadur ar sadeien eo o fiñsañ. Evit an dud-se ez eus bet ijinet piñsetezioù, c'hoarielloù evit o abadennoù plijadur.

Dilhad ha giz

Al lodenn-se eus an divronn eo a veze klasket kuzhat ar muiañ, dre vezh-fur, abalamour ma c'halle diskuliañ c'hoant ar c'horf. Tammoù dilhad da guzhat ar begoù-bronnoù a veze graet zoken.

Hiziv e kaver un emzalc'h kontrol gant tud zo. Graet e vez brennidennoù ken bihan ma ne guzhont nemet ar begoù-bronnoù, brennidennoù sav-bronnoù graet evit diskouez ar begoù dindan an dilhad, hep kontañ ar begoù faos, reut atav.

Begoù bronnoù ar wazed

Benvronnegezh : evel re ur vaouez eo kresket bronnoù ar paotr.

Da vare o c'hrouiñ, war-bouez o organoù reizhel, eo peurheñvel an holl vronneged er grouell. Gant an dud e pad kement-se betek 14 sizhun. Goude e krog ar re a zo gourel da aozañ hormonoù gourel evel an testosteron. Peurvuiañ ne gemm ket begoù bronnoù ar baotred goude ar mare-se. Gwazed zo koulskoude, pa n'o devez ket trawalc'h a destosteron, e kresk o bruched dezho evel d'ar merc'hed, ha dreist-holl al lodenn druz en-dro d'ar begoù-bronnoù. Benvronnegezh a vez graet eus se.

Toullañ

• Gwelout toullañ beg ar vronn.

Krennlavar

Tri zra a laka ar bed da vont
Beg ar soc'h
Beg ar vronn
Ha beg an ibil pa vez sonn.

Skeudennoù

Poltred ur Yuzevez, gant Charles Landelle (1821–1908). Klasket en deus an arzour diskouez beg ar vronn dindan an hiviz.

Beg-bronn troet war-zu an diabarzh Divronn ha begoù-bronnoù ur vaouez Bruched gwaz, splann ar begoù-bronnoù Beg-bronn toullet Bronn, rodenn ar vronn, beg-bronn Bronn ur vaouez, gwelet a-letu

Beg bronn dindan un hiviz

Levrlennadur

• (en) Stephen Jay Gould, "Male Nipples and Clitoral Ripples", in Adam's Navel and Other Essays, London: Penguin, 1995.
• (pl) Janina Sokołowska-Pituchowa (red.) Anatomia człowieka. Podręcznik dla studentów medycyny. Wyd. VII. PZWL 2005 ISBN 83-200-3185-0.