Barzh-lez

Ur barzh-lez zo ur barzh ofisiel e lez ur priñs pe roue, karget da ganañ meuleudi d'ar priñs ha d'e diegezh ha da sevel barzhonegoù hervez c'hoant ar priñs a vag hag a bae anezhañ. Kement-se a c'hoarveze e Kembre hag Iwerzhon ar Grennamzer, ha Taliesin a zo ur skouer anezho. Roud a gement-se a gaver e Breizh ivez.

Skouer Taliesin

Kanet en dije Taliesin e lez tri roue brezhon da vihanañ :

• Urien, roue Rheged,
• e vab Owain ab Urien, roue war e lerc'h,
• ha Cynan Garwyn, roue Powys, e Kembre hag e-kreiz Bro-Saoz a-vremañ.

Padet e vije an hengoun e Kembre betek dibenn ar Grennamzer.

Modernaet eo bet an hengoun gant krouidigezh ar garg Bardd Cenedlaethol Cymru (Barzh Broadel Kembre).

Barzh loreet

E broioù zo e komzer eus barzh loreet, evel en Italia gant Albertino Mussato ha Francesco Petrarca a voe kurunennet gant lore hervez ur c'hiz a vije bet en Henamzer.

Hiziv ez eus broioù ma 'z eus bet krouet ar garg a varzh ofisiel (Poet laureate e saozneg), evel ar Rouantelezh-Unanet.

Pennad kar

• Barzh Ofisiel ar Rouantelezh

Levrlennadur

• Pennad gallek e-barzh La revue des deux mondes: [1]