Armand Tuffin ar Roueri

Eus Wikipedia
Sauter à la navigation Sauter à la recherche
Armand Tuffin ar Roueri
Plakenn ouzh ti genidik ar Roueri e Felger
Delwenn ar Roueri e Felger

Charles Armand Tuffin, markiz ar Roueri (13 a viz Ebrel 1751 e Felger - 30 a viz Genver 1793 e Sant-Denwal), a oa ur soudard hag ur brogarour breizhat, unan eus harozed Brezel dieubidigezh ar Stadoù Unanet. Difenn a reas Frankizoù Breizh. E penn an Association bretonne e oa, egin ar Chouanerezh.

Skoed ardamez ar familh Tuffin

Dispac'h Amerika[kemmañ | kemmañ ar vammenn]

Da 25 bloaz ez eas da Amerika da reiñ harp d'an emsaverien amerikan a-enep arme Rouantelezh Bro-Saoz. Ofisour marc'hegerezh e oa ha servij a reas dindan banniel ar Stadoù Unanet e-pad ar brezel-dieubiñ (1775 - 1783). Anavezet e oa eno evel Colonel Armand, ha dont a reas da vezañ mignon d’an ofiser gall La Fayette.

Perzh a gemeras an daou en Emgann Camden, Emgann Guilford Court House, hag en emgann Yorktown e 1781. Daou vloaz goude e voe anvet da vrigadier jeneral gant George Washington.

Dispac'h Gall[kemmañ | kemmañ ar vammenn]

E 1784 e teuas en-dro da Frañs. E 1788 e savas ar roue gall Loeiz XVI un embann a denne digant Breujoù Breizh ar galloud politikel hag ar galloud barn. Setu ez a Ar Roueri ha 12 noblañs all da Versailhez da zifenn gwirioù Breujoù Breizh. Ar roue a nac’has gwelout anezho h kaset e voent da doull-bac’h la Bastille e-pad ur miz. D’ar 4 a viz Eost 1788 e voe lakaet an embann da dalvezout gant ar roue. Neuze e tistroas da Vreizh ha gant ar c’hont Ranconnet de Noyan e krouas e 1791 an Association bretonne,evit adsevel Breizh en e gwirioù.

Dedennet gant ar mennozhioù frankizour. Koulskoude e teuas buan da vezañ a-enep an Dispac'h Gall pa'z eas diroll.
Difenn a reas Frankizoù Breizh. E penn an Association bretonne e oa, egin ar Chouanerezh.


D'an 20 a viz Gwengolo 1792 e voe un emgann etre an armeoù unanet hag dispac’herien Bro c’hall e Valmy. Gounezet e voe an emgann gant Bro c’hall ha savet ur Republik. Ar Roueri a rankas kuzhat. Mervel a reas d’an 30 a viz Genver 1793, da 42 vloaz.