Amzer-amdremenet

Er yezhadur hag yezhoniezh e vez lavaret amzer-amdremenet, pe amdremened, pe amzer-dremenet ledan (e latin: imperfectum) eus un amzer yezhadurel en tremened a dalvez da deskrivañ un ober pe un darvoud a c'hoarveze a-raok ar mare m'emeur o komz (amzer-vremañ) en ur reizhiad amzerioù rik pe a-raok ar mare m'emeur o komz anezhañ lakaet da zaveenn en ur reizhiad keñveriek met o resisisaat ar fed ma ne oa ket peurachu an ober pe ar stad-se d'ar mare kent-se. Da lâret eo e talvez da gomz eus an tremened evel ma vije en amzer-vremañ.

E berr-gomzoù e talvez an amzer-dremenet strizh da verkañ an amzer-dremenet en un tu hag an arvez ledan en tu all war un dro, enebet ouzh an amzer-dremenet strizh, da skouer:

Bez' e lenne

Lenn a rae

Klañv e oa

Alies e vez implijet an amzer-mañ evit danevelliñ.

Brezhoneg

E brezhoneg e c'heller sevel an amzer-dazont hervez an tri doare displegañ boas, da skouer gant ar verb "hadañ"

• Displegadur eeun hep raganv gour:

Bez' e haden

Bez' e hades

Bez' e hade (eñ/hi)

Bez' e hademp

Bez' e hadec'h

Bez' e hadent

Bez' e haded

• Displegadur eeun gant ur raganv gour:

Me a hade

Te a hade

Eñ a hade

Hi a hade

Ni a hade

C'hwi a hade

Int a hade

• Gant ar verb-skoazell "ober":

Hadañ a raes

Hadañ a raes

Hadañ a rae (eñ/hi)

Hadañ a raemp

Hadañ a raec'h

Hadañ a raent

Hadañ a raed

Yezhoù all

Yezhoù germanek

Saozneg

E gwirionez e saozneg n'eus amzer-amdremenet ebet, hag enebet e vez an amzer-dremenet strizh (past perfect) diouzh un tu ouzh an amzer-dremenet pad diouzh an tu all, savet diwar ar verb-skoazell "to be" en dremened mui stumm-ober ar verb pennañ, da skouer:

• Arvez strizh:

I ate ("Debriñ a ris")

• Arvez amstrizh (=ledan/pad):

I was eating ("Debriñ a raen"/"O tebriñ e oan")

Estreget e arc'hwel pennañ ma talvez da sevel an doare-divizout, a-hendall e c'heller implijout ar verb-doareañ "would" (berraet: "'d") evit pouezañ war ar fed ma veze graet pe ma c'hoarveze un dra bennak e-pad kalz a amzer en amzer dremenet, da lâret eo an amdremened en arvez boas, da skouer:

Back then, I'd eat early and then I'd walk to school

Yezhoù romanek

Latin

Setu penaos e veze displeget pep rummad verboù en amzer-amdremenet e latin:

	parāre	docēre	legere	capere	scīre	esse
ego	parābam	docēbam	legēbam	capiēbam	sciēbam	eram
tū	parābās	docēbas	legēbās	capiēbās	sciēbās	erās
is	parābat	docēbat	legēbat	capiēbat	sciēbat	erat
nōs	parābāmus	docēbāmus	legēbāmus	capiēbāmus	sciēbāmus	erāmus
vōs	parābātis	docēbātis	legēbātis	capiēbātis	sciēbātis	erātis
eī	parābant	docēbant	legēbant	capiēbant	sciēbant	erant

Spagnoleg

Diwar patrom an displegadur latin e oa bet dioroet an amzer-amdremenet er yezhoù romanek a-vremañ.

E spagnoleg e vez enebet an amzer-amdremenet (anvet alies: copretérito) ouzh an amzer-dremenet amstrizh (pe "kevrennek") hag ivez ouzh an amzer-dremenet strizh, disheñvel takas implij pep hini an eil e-keñver ar re all, da skouer:

• Tremened strizh

fue ("bez' e voe")

comió ("bez' e tebras")

• Tremened amstrizh

ha sido" ("bet eo")

ha comido ("debret en deus")

• Amdremenet

era ("bez' e oa")

comía ("bez' e tebre")

Setu penaos e vez displeget pep rummad verboù reizh:

	hablar	comer	insistir	ir	ser	ver
yo	hablaba	comía	insistía	iba	era	veía
tú	hablabas	comías	insistías	ibas	eras	veías
él	hablaba	comía	insistía	iba	era	veía
nosotros	hablábamos	comíamos	insistíamos	íbamos	éramos	veíamos
vosotros	hablabais	comíais	insistíais	ibais	erais	veíais
ellos	hablaban	comían	insistían	iban	eran	veían

Persieg

Ar persieg a ra an diforc'h etre an amzer-dremenet pad diouzh un tu hag an amzer-amdremenet diouzh a tu all.

Reizh eo diplegadur an amzer-amdremet evel an holl amzerioù tremenet all, savet diwar ur rakger digemm ("mi-") mui dibennoù personel ("-am"...) evel-hen (s.o. ouzh ar pennad "verb kevrennek"):

Conjugation of the imperfect indicative

	raf.tan (to go)	kâr kar.dan ("labourat")
Me	mi.raft.am	kâr mi.kard.am
Te	mi.raft.i	kâr mi.kard.i
Eñ/Hi	mi.raft	kâr mi.kard
Ni	mi.raft.im	kâr mi.kard.im
C'hwi	mi.raft.id	kâr mi.kard.id
Int	mi.raft.and	kâr mi.kard.and

Yezhoù slavek

Daosut ha m'eo aet da get an amzer-amdremenet en darn vrasañ eus ar yezhoù slavek e kendalc'her d'ober ganti c'hoazh e bulgareg, da skouer:

• Amdremenet:

пристигаx/пристигнеx (pristigah/pristigneh)

"degouezhout a raen"

• Tremened strizh/Aoristek:

пристигнах (pristignah)

"degouezhout a ris"

Yezhoù dravidek

Malayalameg

E malayalameg e vez enebet an amzer-adremenet plaen diouzh un tu gant an amdremened pad diouzh an tu all:

ഓടുക (ōṭu.ka: "red.ek")

• Amdremenet plaen

merket gant an dibenn "-യായിരുന്നു" (-yāyirunnu)

ഓടുകയായിരുന്നു (ōṭu.ka.yāyirunnu: "redek a rae")

• Amdremened pad

merket gant an dibenn "--മായിരുന്നു" (-māyirunnu)

ഓടുമായിരുന്നു (ōṭu.māyirunnu: "o redek e oa/e veze")

Gwelit ivez

• Amzer-dremenet
• Amzer-dremenet strizh
• Amzer-dremenet amstrizh