.30-30 Winchester

.30-30 Winchester
A gleiz da zehou : kartouchennoù .223 Remington - .30-30 Winchester - .308 Winchester
Doare
Bro orin	Stadoù-Unanet Amerika
Kalibr	.308 / 7,62 mm
Doare douilhez	bourled, boutailh
Doare skeiñ	e-kreiz
Muzulioù
Ø bannadell	7,8 mm
Ø trogleuziñ	7,6 mm
Ø kolier	8,4 mm
Ø skoaz	10,2 mm
Ø korf an douilhez	10,7 mm
Ø strad	12,9 mm
Tevder ar strad	1,6 mm
Hirder an douilhez	51,8 mm
Hirder ar gartouchenn	64,8 mm
Perzhioù all
Pouez ar vannadell	7 - 11 g
Tizh mont e-maez ar boledoù V0	679 - 818 m/s
Energiezh ar vannadell	2.390 - 2.615 J
Emors	LR
Lezenn
Rummad e Bro-C'hall	C

Ar munision .30-30 Winchester, anvet a-wechoù .30 Winchester Center Fire pe .30 WCF zo ur gartouchenn skoet en he c'hreiz ijinet gant John Moses Browning evit Winchester, ha gwerzhet adalek 1895. Dont a ra hec'h anv eus he c'halibr (0,30 meutad) ha deus he c'hargad poultr (30 greunenn, da lavaret eo 1,95 g). Ar gartouchenn chase kentañ enni poultr hep moged e oa. Produet e vez c'hoazh hiziv an deiz evit chaseourien ha tennerien sport e Norzhamerika hag en Europa.

Implijet e voe a-wechoù en armeoù : gant ar marc'hegerezh gall er fuzuilh Winchester 1894, gant ar British Navy er Brezel-bed Kentañ pe gant strolladoù all evel gwarded-aod Stadoù-Unanet Amerika.

Bannadell

Boled an .30-30 zo ront e benn. Ijinet e oa bet evit ar fuzuilh Winchester 1894, a zo ul loc'henn-grogenn ganti : gant ar stumm ront zo nebeutoc'h a riskloù e lakfe ar boled da darzhañ emors ar gartouchenn a zo dirazañ e karger korzennek an arm.

Boledoù ar c'halibr-mañ zo gwisket ha/pe emledus, dre m'int bet soñjet evit ar chase.

Un nebeud armoù kambret e .30-30

• Winchester Model 1894
• Marlin 336
• Savage 340
• Thompson/Center Contender
• Mossberg 464
• Rossi Rio Grande

Liammoù diavaez

• (en) Taolenn ar munision war lec'hienn ar CIP

Daveennoù

  Stag eo ar bajenn-mañ ouzh Porched an Armoù-tan