Yael Naim

Eus Wikipedia
Mont da : merdeiñ, klask
Yael Naim e Kraozon, 2011.
  • Ganet eo Yael Naim e Bro-C'hall e Pariz e 1978. Pa oa 4 bloaz, ez eo aet, asambles gant he c'herent yuzev eus Tunizia, d'en em staliañ en Israel e Ramat Ha-Sharon, e-lec'h m' he deus tremenet he bugaleaj. E-pad ar mare-se e tiwan enni un entan evit ar sonerezh klasel, ha neuze eo en em laket d'ar piano e-pad 10 vloaz e skol-veur ar sonerezh, ha diwezhatoc'h evit ar pop, ar jazz, hag ar folk. E-pad he servij soudard he deus krouet ur strollad anvet « The Anti Collision », asambles gant piv he deus ergerzhet kleuboù Israeliz.
  • E 2000, e distroas da Vro-C'hall evit un « abadenn karitez ». Taolet e vez pled anezhi gant gant ur merour eus ti EMI ha sinet he deus ur c'hontrad goude evit he fladenn gentañ. Embannet eo bet e 2001, dindan an anv-leurenn Yael, n'eo ket deuet a-benn da zesachañ an arvesterien. Un tamm goude e voe galvet gant Elie Chouraqui, hag a ginnigas dezhi c'hoari Miriam e-barzh ar gomedienn-sonet « Les Dix Commandements », « Dek lezenn Doue ». Ezel e vo eus ar strollad-mañ e-pad 2 vloaz hanter.
  • E 2004, e kemeras perzh er gomedien-sonet « Spartacus le Gladiateur » savet gant Elie Chouraqui. Ar memes bloavezh, e reas anaoudegezh gant David Donatien ha kregiñ a reas da labourat gantañ war ur bladenn nevez. Ar c'henlabour-se a echuas gant ur bladenn nevez, a zo bet embannet e Bro-C'hall d'an 22 a viz Here 2007 gant label « Tôt ou tard », ha diwezhatoc'h e-barzh 18 bro all. Kroget he deus da ganañ e Bro-C'hall e 2008. E 2008, ez eo bet implijet ar ganaouenn « New Soul » gant embregerezh Apple Inc. evit e vruderezh. Dont a ra da vezañ anavezet-kenañ ha klevet e voe en « Top 10 ».
  • Ar memes bloavezh, e c'hounezas priz ar bladenn wellañ er « Victoires de la Musique ».

Commons
Muioc'h a skeudennoù diwar-benn

a vo kavet e Kerandafar.