Treuzviezadenn

Eus Wikipedia
Mont da : merdeiñ, klask

An dreuzviezadenn, pe derlinkad[1], a zo ur frazenn hag a c'hell bezañ intentet en ur doare all gant ma vez graet un pe daou eskemm sonioù (lizherennoù pe sillabennoù) a-benn reiñ da intent traoù fentus ha gros a-wechoù hep ma vez torret reolennoù ar sevended. Er gelaouenn sizhuniek Le Canard enchaîné e vez embannet keit ar bloavezhioù un nebeud treuzviezadennoù e galleg er rubrikenn "Sur l'Album de la Comtesse" (War albom ar gontez).

Kavet e vez treuzviezadennoù e meur a yezh p'eo an eskemmoù sonioù ur fenomen boutin a-walc'h er c'homz, ar vetatezenn hec'h anv. Meur a ger a vez cheñchet e emdroad dre se.
C'hoarvez a ra e teu an eilpennadenn hep ma oa intent ar c'homzer he tistagañ. Reiñ a ra plijadur d'ar selaourien pe dre m'eo bet graet ur fazienn pe dre m'eo bet graet ur fazienn ha lakaet da intent un dra dic'hortoz ouzhpenn.
E Bro-C'hall ez eus un hengoun evit krouiñ treuzviezadennoù a laka da intent traou gros ha revel. Rubrikenn ar "Canard enchaîné a ya war an tu-se bewech.

An treuzviezadennoù brezhonek kentañ zo bet savet gant Per-Mari Mevel hag embannet en ur levrig gant Emgleo Breiz e 1982.

Setu ar brudetañ treuzviezadenn e brezhoneg, digant tad an treuzviezadennoù:

  • An itron Rous a brest he levr d'an holl. (= an itron lous a brest he revr d'an holl)


Treuzviezadennoù all[kemmañ]

  • Difretañ a rae an eskob e Treglonoù, Brenda. (Plijusoc'h eo ma'c'h anavezit an anv Glenda).
  • Arabat mouzhañ war ar foto. (Evit ar re a blij dezho ar motoioù...).

Rolladurezh[kemmañ]

  • Kermaria (An aotrou...), lesanv Per-Mari Mevel, Treuzviezadennou..., Brest : Emgleo Breiz, 1982
  • Per-Mari Mevel, Ar brezhoneg dre an treuzviezadennou, Brest : Emgleo Breiz, 200.

Notennoù ha daveennoù[kemmañ]

  1. Martial Ménard, Dictionnaire français-breton, Palantines, 2012.
Wiktionary-logo-br.png
Sellit ouzh ar ger treuzviezadenn er
wikeriadur, ar geriadur frank.