Frazenn

Eus Wikipedia
Mont da : merdeiñ, klask

Er yezhoniezh e vez implijet an termen frazenn (diwar ar gresianeg: φράση, frazenn, lavarenn; (saoz: sentence) evit komz eus un unanenn yezh pe lavar ennañ peurliesañ ur verb termen (saoz. finite verb).

En ur frazenn glok eeun e kaver ur rener, peurliesañ un anv pe ur ger anvheñvel, mui ur prezegad, peurliesañ ur verb pe ur ger verbheñvel. Gant ar yezhoù amrenererel e c'heller sevel frazennoù hep rener ebet avat.

Tammoù frazennoù diglok enne un elfenn bennañ nemetañ a reer "rannfrazennoù" (saoz. phrase)) anezhe, da skouer ur rannfrazenn verb enni ur verb da elfenn bennañ hag a c'hell talvezout da brezegad ur frazenn glok pe ur rannfrazenn anv, enni un anv da elfenn bennañ hag a c'hellfe talvezout da rener ur frazenn glok.


Bez' e c'heller rummata ar frazennoù hervez o framm pe hervez o fal:

  • Rummadur hervez ar framm

Setu unan eus an doareoù hengounel da rummata an doareoù frazenn disheñvel hervez an niver a bennfrazennoù hag islavarennoù enne hag al liammoù etre pep lodenn eus ar frazenn:

enni un islavarenn emren (saoz. independent clause) hep islavarenn stag ebet;

enni meur a bennfrazenn distag liammet an eil ouzh eben gant stagelloù ha/pe poentadur;

enni ur bennfrazenn mui un islavarenn stag d'an nebeutañ


  • Rummadur hervez ar pal

An holl doareoù frazennoù pennañ-mañ a c'hell bezañ er stumm nac'hañ pe er stumm kadarnaat:

an doare frzenn implijet an aliesañ, da skouer:

Mont a ran d'ar gêr
N'in ket d'ar skol

implijet evit sevel goulennoù peurliesañ pe choazh goulennoù emrespont (saoz. rhetorical question, da skouer:

"Pet den 'zo ez klas?"
"Ha goût a rez piv a oa deuet?"
"N'out ket sot, geo?"

implijet evit sevel estlamadennoù, da skouer:

"Nag a dud sot ez eus dre amañ!"
"N'eo ket penn-sot an tamm anezhañ 'ta!"

implijet evit reiñ un urzh pe evit kinnig da unan bennak ober un dra, da skouer:

"Kae d'ar gêr"
"Arabat mont re vuan"
"Na lennit ket an dra-se"
  • Frazennoù reizh hag amreizh

A-hendall e reer un diforc'h ivez etre frazennoù reizh (saoz. major sentence pe major sentence) diouzh un tu, enne ur rener hag ur prezegad diouzh un tu ha frazennoù amreizh (saoz. irregular sentence pe minor sentence) diouzh an tu all hervez ma bvez enne ur rener hag ur prezegad sklaer pe get.

Gwelit ivez:[kemmañ]