Nitrat

An nitrat hag a oa anvet gwechall-gozh an nitr hag a oa alies heñvelster ouzh holen-moger a zo holenoù an trenkenn nitrek. Formulenn gimiek an ion nitrat a zo NO₃^-.

Skeudenn a-blaen framm an ion nitrat.

Gweled teir-mentek framm an ion nitrat.

Patrom bouloù ha bazhigoù framm an ion nitrat.

Liveoù nitrat war-c'horre ar meurvorioù
Source : World Ocean Atlas

Nitrat en dour a vez merk saotradur dre al labour-douar (ludu), ar c'herioù (gwall mont-en-dro rouedadoù yac'haat) pe greanterezh. En Europa, an "directive Nitrates"a zo e fal digreskiñ ar saotradur-mañ.

E kalz a vroioù e rank an dourioù gouestlet da vezañ evet gant an den doujañ ouzh liveoù harzh (da skouer 50mg/l e Bro-C'hall pe Europa) evit bezañ graet dour-evadus anezho. ABY a ali chom hep mont en tu-hont da 25mg/l.

Arabat kemmeskañ nitrat gant nitrit NO₂^- holenoù an trenkenn nitrus hag a zo disoc'h reduktadur an nitrat gant bakteri a zere.

Implijoù

Nitrat potasiom (holen-moger) zo implijet er poultr-tarzh
Nitrat sodiom (holen-moger eus ar Chili) ha Nitrat ammoniom zo implijet e temzoù zo.
Nitrat ammoniom mesket gant mazout a ya d'ober un danvez-tarzh galloudus met stabil hag a rank bezañ antellet evit tarzhañ.

Saotradur an dour gant an nitrat

Nitrat hag eutrofeladur

Evel ma oa bet diskouezhet splann (Lenn Valensia da skouer), ar fosfat eo an oberer pennañ evit eutrofelaat an dourioù dous war hir-dermen. An nitrat eo an eil oberer pouezus hag a zegouezh a-gevret alies en dourioù dous pe holenet sac'het pe nebeut adnevezet.