Kouronkerezed
Kouronkerezed a zo bet livet alies gant an arzourien. Un digarez da livañ maouezed noazh, estreget war o gwele, ne oa ken. Taolennoù zo a zo bet anvet "Kouronkerez" pe "Kouronkerezed", hep mui, hervez an niver, adalek dibenn an XIXvet kantved dreist-holl. Meur a abeg a zo: plijadur an daoulagad dirak korfoù maouezed, ha plijadur al livour o tiskouez e varregezh da livañ kened ar c'horfoù.
Taolenn |
[kemmañ] Doueezed
Er c'hantvedoù kent e veze poltredet doueezed Hellaz pe Roma, Artemis-Diana da skouer, o kouronkañ. Talvezout a rae ar mojennoù kozh rakkristen da zigarez da ziwiskañ ar c'horfoù.
Met adalek an XIXvet kantved ne vez ket ezhomm ken eus digarez an henamzer evit livañ korfoù maouezed en o noazh: re all, diouzh ezhomm, a vo kavet.
[kemmañ] Reter
Gant an doug d'ar reter e veze diskouezet, d'ur poent, merc'hed o kouronkañ en harem, gant Dominique Ingres, da skouer, hag e ziskibien.
[kemmañ] Natur
N'eo ket kouronkerezed avat en deus livet Paul Gauguin e Pont-Aven, met kouronkerien. Moarvat n'halle lavarout livañ merc'hed ar vro en noazh dirazañ. e Tahiti e vo aesoc'h dezhañ .
[kemmañ] Kibellerezed
A-hend-all e ranker diwall da faziañ gant an taolennoù anvet "Baigneuses" e galleg: darn zo kouronkerezed, darn all kibellerezed.
[kemmañ] Taolennoù
- Diana o koronkañ, zo bet livet gant François Clouet, Rembrandt, ha gant Boucher.
- Livet ez eus bet ivez itronezed gwisket evel Diana gant an arzourien.
- Ganidigezh Gwener, ganet eus ar mor, zo bet livet meur a wech
- Ar c'houronkerezed bras (Les Grandes Baigneuses), Pierre-Auguste Renoir, 1897.
- Ar c'houronkerezed , zo anv meur a daolenn, en o zouez reoù gant Gauguin, Cézanne, Picasso.
