Kilimanjaro

Eus Wikipedia
Mont da : merdeiñ, klask
Kibo summit of Mt Kilimanjaro 001.JPG

Menez Kilimanjaro eo menez uhelañ Afrika, gant 5 892 metr uhelder. Emañ en hanternoz Tanzania, nepell diouzh harzoù Kenya. Tri menez-tan a ya d’ober Kilimanjaro, Kibo (5892 metr), Mawensi (5149 metr) ha Shira (3962 metr uhelder).

Uhuru eo ar pikern uhelañ, war menez-tan Kibo. Ar re gentañ da bignat gant ar menez uhel-se ha da dizhout al lein e voe Yohanas Kinyala Lauwo, Hans Meyer ha Ludwig Purtscheller, d’ar 6 a viz Here 1889.

Gallout a reer krapañ war ar menez Uhuru hep bezañ ur c’hrimper arroutet hag e-leizh a douristed a vez bep bloaz o vont betek al lein, en ur gerzhet etre c’hwec’h ha dek devezh. Nemet e rank an hanter anezho dont war o c’hiz dre ma vezont klañv abalamour d’an uhelder. Ur park naturel, Park broadel Kilimanjaro, a oa bet savet e 1973, da wareziñ al loened a vev en tolead. Lakaet e oa bet war roll ar Glad bedel gant UNESCO e 1987.

Eno e voe skrivet gant Ernest Hemingway e romant anvet The snows of Kilimanjaro ("Erc’hegi Kilimanjaro").


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.