Joachim Wtewael

Joachim Anthonisz Wtewael (1566 en Utrecht - 1añ a viz Eost 1638 en Utrecht) a oa ul livour izelvroat. Renket e vez e oberennoù e-touez re luskad an orbidouriezh.

E vuhez[kemmañ | kemmañ ar vammenn]

Deskiñ a reas engraviñ e stal-labour e dad. 6 miz-pad e veajas e Bro-C'hall hag en Italia (Padova) hag eno e stagas gant al livañ.

E 1592, pa oa 25 bloaz, e tistroas da Utrecht. Livour e voe e breuriezh oberourien dibroù ha sevel a reas taolennoù, tresadennoù, engravadurioù ha gwer-livet. E-touez livourien ziwezhañ an orbidouriezh e voe Wtewael ha tost e chomas eus al livañ hengounel, tra ma tibabe lod brasañ an arzourien mont war-du an naturegezh.

Unan eus arzourien bouezusañ luskad ar vanieregezh en Izelvroioù e voe.

An dastumad brasañ eus e oberennoù a gaver e Centraal Museum Utrecht.

Oberennoù[kemmañ | kemmañ ar vammenn]

Perseüs hag Andromeda, 1611, (Mirdi al Louvre)
Yaou oc'h en em silañ e kambr Danae, (1595-1605), (Mirdi al Louvre)
Pan ha Syrinks, tresadennoù, (Mirdi al Louvre)
Azeulerezh an tri roue, tresadennoù, (Mirdi al Louvre)
Lot hag e verc'hed en ur c'hoad, tresadennoù, (Mirdi al Louvre)
Sant Yann-Vadezour o prezeg en ur c'hoad, tresadennoù, (Mirdi al Louvre)
Gouel Maria Veurzh, tresadennoù, (Mirdi al Louvre)
Kouronkadenn Diana, tresadennoù, (Mirdi al Louvre)
Azeulerezh ar vêsaerien, tresadennoù, (Mirdi al Louvre)
Merzherinti Sant Vastian, 1600, (Nelson-Atkins Museum of Art), Kansas City
Meurzh ha Gwener tapet gant Vulkan, 1610, (Mauritshuis, Den Haag)
Meurzh ha Gwener dizoloet gant an Doueed, (1610-1614), (J. Paul Getty Museum)
Plac'h yaouank ha denjentil, tresadennoù, (J. Paul Getty Museum)
Arvest en ur gegin, 1604
An oad aour, 1605, (Metropolitan Museum of art)
Aktaion o sellout ouzh Diana hag an nimfenned o kouronkañ, 1612, (Museum of Fine Arts, Boston)
Moizez o terriñ ar roc'h, 1624, (National Gallery of Art, Washington DC)
Barnadenn Paris, 1615, (National Gallery, Londrez)
Azeulerezh ar vêsaerien, 1698, (Utrecht, Centraal Museum), 1625, (Prado),
Eured Thetis ha Peleüs, 1602, (Herzog Anton Ulrich-Museum),
Dasorc'h Lazarus, tresadennoù, (mirdi arzoù-kaer Lille)
Emboltred, 1601 (centraal Museum, Utrecht)